模擬遊戲

潼潼玩既模擬遊戲越來越出神入化。

除左係床上面玩搣麵包餵魚之外，竟然同潼潼媽搶食。潼潼將麵包放入自己口入面，仲話唔俾媽媽食，潼潼媽裝著要搶，潼潼緊張得係度跺腳大叫。跟住潼潼又假裝分部份俾媽媽，正當媽媽要將麵包放入口既時候，潼潼又要過黎搶，仲即刻將搶到既麵包放入自己口裡面唔俾媽媽添！

以上遊戲無任何道具，全部只有動作，就係咁玩得一餐。真係夠豐富既想像力。