星期六﹑日潼潼媽都唔舒服作感冒，除左星期日帶潼潼上playgroup之外都無出過街，連累潼潼o係難得既假期都要陪我一齊困係屋企。
講講潼潼今個星期上PLAYGROUP既情況。
好開心見到潼潼既進步。雖然好多既情況依然係唔聽指示，但係好明顯係比上一堂進步左。雖然動作仍然唔願意跟住做，叫佢舉手又唔肯舉手，正正係叫佢做果樣偏唔願做果種，但係圍圈走既時候已經比較合作，亦都肯將手上「教材」由自己交番出去俾導師鍾SIR；穿珠仔亦做得好好，我見潼潼真係好俾心機穿，而且動作比上一堂純熟，兩隻手既相互協調係好左。至於輪候出去做打筋斗同持桿動作時，依我觀察，潼潼其實係好有興趣，只係走到出去果陣未輪到佢玩，佢以為被拒絕，佢就會唔鐘意。就好似平時係屋企既情況一樣：佢要做既事情，若你唔俾佢做佢就會發脾氣，到叫佢去做既時候佢就唔理睬你，偏偏唔做
。（唔知我有無理解錯呢?）我諗潼潼仲未習慣係團體入面「輪候」既概念，要再俾D時間佢。
大致上潼潼係課堂上既主動性並不如係屋企時理想 (無咁多野講)，不過似乎學了一點點規矩。潼潼，媽媽期待著你一次比一次進步，只要看到進步就夠喇。
(上完堂，去APM逛一陣影番幾張相先)
沒有留言:
張貼留言