忙碌的年初一

恭喜發財!!!

每年既年初一都係非常忙碌，節目係由朝到晚。今年仲威，因為嫲嫲同婆婆都買左新衫俾潼潼，所以潼潼仲要中途換衫添。

潼潼今年好醒目咁識請請，識講恭喜發財，新年快樂等等，只可惜全部都要係利誘下先肯做。　潼潼媽一直反對用利誘方法去拎潼潼做出應有既禮貌行為，但礙於大年初一呢D喜慶節日，都破例一次。

今日行程包括去沙田上嫲嫲屋企拜年，然後番天后到舅公屋企團拜

上北角寶馬山表姨屋企

然後再同表姨﹑姑婆番北角公公屋企，再一齊晚飯

全日行程潼潼無訓過，不過都無扭計，真係叻女。