逛年宵巿場

雖然潼潼只有兩歲，但係今年已經係潼潼第三次過農曆新年喇！不過逛年宵巿場仲係第一次。去公公屋企晚飯後，我地帶潼潼去左全港最大既維園年宵巿場。

因為人多關係，大部份時間潼潼都係被抱住，咁當然唔及得可以自己周圍走咁開心，但點都係一次難得既經驗，俾佢體驗下呢個節日既熱鬧。

潼潼此行既得著就係小朋友至愛POOH POOH氫氣球一個。但係其實呢個唔係潼潼既至愛，潼潼係睇中左一個鮮奶外型既水樽，不過爸爸覺得無需要所以唔俾買。　唔愛飲奶奶既潼潼，行到好遠都仲嗌緊要「奶奶」呢！