岩岩一期既baby-mo雜誌有介紹公共playroom，睇完之後覺得幾正喎！即刻上網搵資料，睇下最近屋企既playroom係邊。不過我發現香港政府d野都好神奇，d康樂設施全部位置偏遠，一d都唔便民。
星期日番北角同屋企人飲完茶，就諗住近近地去渣華道果邊既playroom俾潼潼玩下啦。點知去到見到非常失望，入面幾乎只係一大片空地俾小朋友走黎走去，無乜設施。
o係我同潼潼爸商量完之後，把心一橫，去全港最大既公共playroom - 大角咀體育館既兒童遊戲室。
我地搭港鐵去到奧運站，然後就步行過去，都要差不多15分鐘。長途拔涉咁過到黎，見到個playroom真係好正喎！可惜原來個playroom只可以俾25位小朋友入去玩。我地去到已經滿哂額，要等下一場。真係好無奈，走又唔係，唔走又唔係。 見到個playroom咁吸引，真係唔捨得走，而且我地仲要係專程而黎，咁樣黎到又走真係好唔抵，所以都係決定排隊等。
不負眾望，潼潼係個playroom入面真係玩得好開心呀!!潼潼爸見潼潼玩得咁開心，仲同潼潼連續玩足兩場。潼潼媽投降喇..... 
潼潼爸話值得再去 (不過初初話要等果陣又唔係咁講既
)。
不過我地下一站將會係香港中央圖書館入面既「玩具圖書館」
D 設施比我哋呢區好好多. 潼潼好好喎, 佢對住小朋友都唔怕, 肯一齊玩, 又玩得投入, 叻叻.
回覆刪除中央個玩具圖書館, 相信係全香港最難book ger. 要一個星期前預約, 仲未必約到喎. 啱啱過咗暑假, 情況可能會好d ger. 但係要約週未, 依然會難. 難. 難. 所以, 好多人會親臨現場執死鷄. 但係, 都要一早去輪, 因為死鷄都要排隊呀.
[版主回覆09/10/2008 14:04:00]我諗呢間既設施係全港最好架喇,我去北角果間都唔係好掂。
玩具圖書館我已經BOOK左喇。 基本上我要半個鐘內不停REDIAL先打通電話咋。