再唱歌仔

或者因為潼潼開始哼到d音，所以特別好唱口。今次開腔之前仲黎一聲牛叫添！

大意的媽媽

這個媽媽實在太大意又反應遲緩，累得潼潼跌撞到檯邊，面時即時腫了並畫上瘀黑的一橫(拍出來不太清楚)。爸爸媽媽也心痛了．．．

唱歌賀新年

潼潼為大家唱歌仔，兼提早拜個年。

頭彩

昨晚到了鯉魚門參加了人家公司的團年晚宴，除了享用了豐富的海鮮餐以外，還請來了嘉賓唱歌作餘興節目，主人家也挺花心思。整個晚上的高潮在於最後的大抽獎，禮品數量不少，中獎率非常高，我便很幸運地中了頭獎，啊．．．．　是頭一份獎才對，禮品嘛？就是這一隻金鼠。

出手也真不輕啊！

最後未能中獎的亦有利是一封，正是人人有份，永不落空，可說是過一個快樂新年喇！

我嘛？頭獎也好．．．　頭一份獎也好．．．　反正也拿了頭彩。只是吃過這一餐以後喉嚨一直不適。

幼兒 / 兒童潛能的開發

各位媽媽，呢個係中大既遙距課程，控制時間同地點都方便好多喇，有興趣的話快d報名喇！  http://www.scs.cuhk.edu.hk/scs/course/soc/soc/gc/edu/doc/081-860127-01?disp=ch

幼 兒 / 兒 童 潛 能 的 開 發   課 程 編 號 : 081-860127-01    本 課 程 旨 在 推 廣 幼 兒 與 兒 童 的 潛 能 開 發 方 法 ， 如 令 零 歲 孩 子 能 輕 易 辯 認 中 、 英 文 、 懂 數 學 ， 三 歲 孩 子 能 計 算 七 、 八 歲 孩 子 的 數 學 ， 四 歲 孩 子 能 閱 讀 八 歲 孩 子 的 中 、 英 文 課 本 ， 他 們 的 百 科 知 識 也 至 少 超 過 同 齡 孩 子 三 年 或 以 上 ， 過 程 中 孩 子 只 是 透 過 遊 戲 方 式 ， 絕 無 壓 力 ， 也 不 需 要 長 時 間 學 習 。 課 程 包 括 探 索 天 才 的 定 義 與 反 思 ， 遺 傳 環 境 與 智 慧 的 關 係 。 每 個 小 孩 都 是 語 言 天 才 ， 從 出 生 到 六 歲 是 潛 能 啟 發 最 重 要 時 間 ， 考 試 不 應 出 現 在 幼 兒 學 習 過 程 ， 怎 樣 做 個 最 好 的 母 親 與 教 師 ， 令 孩 子 的 學 習 都 能 在 短 時 間 有 快 速 進 步 ； 如 何 教 幼 兒 閱 讀 、 數 學 、 百 科 知 識 ， 何 謂 「 全 面 開 發 潛 能 法 」 ？ 當 中 不 單 只 是 理 論 探 索 ， 同 時 也 提 出 實 際 可 行 的 方 法 ， 帶 來 大 量 例 子 。 本 課 程 共 分 二 十 一 章 ， 分 四 個 月 修 畢 ， 並 設 有 導 修 課 。 課 程 內 容 （ 1 ） 溫 和 的 革 命 （ 2 ） 傳 說 （ 迷 思 ） 的 本 質 （ 3 ） 天 才 的 源 起 （ 4 ） 智 慧 是 好 事 而 非 壞 事 （ 5 ） 遺 傳 、 環 境 與 智 慧 （ 6 ） 基 因 的 禮 物 （ 7 ） 隆 納 德 所 學 到 的 每 件 事 （ 8 ） 每 個 小 孩 都 是 語 言 天 才 （ 9 ） 從 出 生 到 六 歲 （ 10 ） 智 慧 的 真 義 （ 11 ） 激 發 及 測 驗 （ 12 ） 大 腦 使 用 它 或 失 去 它 （ 13 ） 母 親 創 造 最 佳 的 母 親 （ 14 ） 天 才 ， 不 患 多 ， 而 患 寡 （ 15 ） 如 何 有 效 運 用 三 十 秒 （ 16 ） 如 何 教 導 你 的 寶 寶 （ 17 ） 如 何 教 導 寶 寶 閱 讀 （ 18 ） 如 何 教 寶 寶 百 科 知 識 （ 19 ） 如 何 輕 鬆 教 寶 寶 數 學 呢 （ 20 ） 如 何 教 寶 寶 認 識 數 學 （ 21 ） 這 神 奇 妙 是 在 小 孩 也 在 於 你 教 學 課 本 格 連 杜 曼 、 珍 娜 杜 曼 著 ， 祈 業 榮 譯 ， 《 如 何 讓 你 寶 寶 更 聰 明 》 ， 世 茂 出 版 社 。 * 學 員 修 讀 此 課 程 須 自 行 購 買 教 科 書 。 本 課 程 以 郵 遞 方 式 修 讀 ( 以 郵 寄 方 式 取 得 課 程 資 料 及 交 收 習 作 ) 。 學 員 如 選 擇 以 互 聯 網 方 式 修 讀 ( 從 網 上 取 得 課 程 資 料 及 交 收 習 作 ) ， 可 參 看 課 程 編 號 860128 的 資 料 。 在 任 何 情 況 下 學 員 於 開 課 後 不 可 轉 換 已 選 擇 的 修 讀 方 式 。 主 講 人 本 院 導 師 教 授 語 言 粵 語 地 點 NIL 開 課 日 期 2008 年 04 月 28 日 截 止 報 名 日 期 2008 年 03 月 31 日 學 費 HK$ 820 查 詢 電 話 : 2209 0226 傳 真 : 2603 6565 電 郵 : deu@cuhk.edu.hk

懂了甚麼

姐姐跟我說她們印尼人有一種說法，認為幼童在學懂了甚麼之前都會發燒，她的兒子就在學走路﹑學說話之前都發燒。

潼潼早前發燒好了，潼潼學懂了甚麼？

• 潼潼懂了晚上喝過奶以後，便乖乖往睡，不再鬧著要玩。


• 潼潼亦懂了表示臭臭的需要，懂得要在小座廁上臭臭了。

真的就是這麼巧合嗎？

巧遇blog友

潼潼打針後發燒再加上傷風流鼻水，雖然天氣放晴，難得一見太陽，潼潼爸仍是反對我帶潼潼落樓下逛。只不過係我堅持之下，潼潼爸唯有著我只准帶潼潼到樓下走，而且唔准幫潼潼除帽。　落到樓下，風的確唔細，有太陽照住既地方亦唔多。但憑經驗，一般情況下我屋企樓下都係比外面還要大風。所以我冒險一試，帶潼潼到屋苑外面既公園仔走一趟。

走出屋苑之外，果然天氣大好，我總感覺到有d熱添！太好喇！可以俾潼潼玩一下，舒展一下，唔駛全日困係屋企面嘛！

到兒童遊樂場之後我就放低潼潼由得佢自己玩。佢剛走到一個轉轉板度諗住用手撥之際，就俾正係度玩緊既小朋友推開佢，本來都無乜野，公園入面總會有d小霸王，一般情況下潼潼都未識得對佢地既霸王行為有任何反應。只不過呢個時候，個小朋友既媽媽即時好惡咁喝止住果個小朋友唔准推人，潼潼見到就即時轉身過黎要我抱，之後仲放聲大哭！原來佢係俾果位媽媽嚇親，以為人地鬧佢呢！　經此一役，潼潼全程係公園都比較膽怯，有時玩玩下都會走過黎要我抱。

係陪潼潼玩其間，留意到一位小朋友特別面熟，我望左個小朋友好幾眼都未太確定。係呢個時候，就聽到有人問：「你係咪潼潼呀？」「係呀！」我聽到呢位太太咁問，開始確定自己係無認錯人，「佢係咪日希呀？」係呀！佢就係日希喇！佢就係我從blog度認識既日希喇！而面前呢位太太咪就係日希媽媽囉！哈哈！原來咁都可以碰到從blog度認識既blog友，感覺好有趣。

我同日希媽媽只係閒聊左幾句，然後又各自顧住照顧自己既小朋友，走既時候都未有同日希媽媽講再見。唔好意思啊日希媽媽！

怪可憐又可愛

今日潼潼發燒，應該係打左預防疫苗之後既反應。

今日下晝潼潼已經比平時扭計，當時已經諗緊佢係咪唔舒服，不過後黎佢訓左覺，訓醒後又好似無乜野所以就不以為意，仲帶左潼潼出去玩添。係公園玩既時候，潼潼雙手一直冰凍，玩既時候亦表現得不及從前般雀躍。之後我地見天色開始陰暗，天氣開始清涼，就番入商場逛逛。期間漸漸覺得不對勁，潼潼雙手冰凍，但臉頰卻熱燙燙，我地斷定潼潼係發燒喇！即時改變計劃，諗住帶潼潼去睇佢睇開既兒科醫生，誰知湊巧地醫生竟然放左假．．．　

最後唯有先番屋企吃過退燒藥睇情況再作決定喇！潼潼爸更即時係附近買左退熱貼俾潼潼貼上。潼潼額上貼上退熱貼，兩個面頰紅卜卜咁，我睇見佢個樣真係怪可憐又可愛。

潼潼番到屋企食左退燒葯藥之後情況好轉左，只係潼潼就好唔鐘意身上既退熱貼，每次貼上都打個震，不斷搖住雙手係度叫。又係另一個攪笑既場面。

希望潼潼能夠盡快退燒，同埋呢兩日都有流鼻水，希望傷風都可以自動好番，否則星期一依然係要去睇醫生呢！（醫生星期一先放完假番工呀！）

 

與爸爸共睡

近來潼潼晚上都不願睡。前幾日潼潼爸見我晚上十一點多仍然係度哄潼潼訓，就自動請纓幫我哄潼潼，著我先去洗白白。

當我洗完白白番出黎既時候，潼潼同潼潼爸都一齊訓著左喇！當時既畫面，令我諗番起大約一年前既某一日，一樣係潼潼爸哄潼潼時訓著左時拍下既照片。我果刻好想同樣為佢地拍下照片做比對，只可惜當時都熄左燈不便拍攝。

睇番一年前既照片，好似一切都無變，只係潼潼大個左好多喇！

1歲喇

1 歲喇！潼潼今日要番健康院檢查同埋注射預防疫苗。

首先係幫潼潼磅重，潼潼而家8.57kg，大約係19磅啦 - 依住生長曲線走，非常好啊！　跟住就去見姑娘做發展評估。首先姑娘問左潼潼既飲食習慣，原來１歲大既小朋友，已經可以開始由三餐奶兩餐粥改為三餐正餐加兩餐奶。唔．．．　以後要為潼潼準備早餐喇！跟住姑娘又問左潼潼走路﹑用小指頭取物﹑說話﹑遊戲﹑自理能力等等各方面既發展情況。一切都好好，發展非常理想啊！不過當姑娘問到潼潼聽從指示 / 脾氣既情況，我同姐姐都笑了。因為潼潼都好會發脾氣同發惡，所以姑娘就為我地預約左一次講座喇！

潼潼既發展情況大約如下：

活動　－　已經會四處走，但唔睇路，經常給絆倒；鐘意爬樓梯，尤其是上樓梯；會將積木疊高；認識圓形，懂得圓形既插孔遊戲。

語言　－　除左叫「爸爸」﹑「姐姐」同「媽媽」，有時會講「街街」，仲會講同做「拜拜」﹑「飽飽」；識得分辨「耳朵」同「頭髮」；認識「俾」既意思，會依指示將物件交俾其它人，亦同時會講類似「俾」既發音。

自理能力　－　開始嘗試俾潼潼自己用匙進食同埋用水杯；亦開始左如廁訓練。

除此之外，潼潼上顎亦長了兩顆門牙，下顎亦開始長出兩顆側門牙喇！

比較可惜既係，因為天氣凍，潼潼而家比以前遲起，我每次番工之前佢都未起身，我又有時工作得好夜，番到屋企潼潼已經訓左，所以杜曼既認字咭同圓點咭訓練都終止左喇！　而家只係間歇性地俾佢睇咭片。不過多謝表姨轉讓迪士尼美語世界既學習咭連放音機，雖然學習咭唔齊，但係潼潼似乎都幾感興趣，亦會聽到潼潼會試著重複播出既讀音。

話咁快就12個月！相信亦期待黎緊既12個月潼潼將會有更大既進步。

 

 

 

被需要

被需要的感覺很好。

不知打從甚麼時候開始，潼潼經常的會半夜醒來，一星期總有四五個晚上會是這樣，較倒楣的時候，一個晚上會醒來好幾次，甚至乎有些時候醒來兩個小時還未再入睡。

昨晚潼潼又是半夜醒來，哄了她一會亦未願意入睡。在這發出寒冷警告的晚上，潼潼媽也懶惰起來，把潼潼放回她的床上，然後從床欄伸入一隻手輕拍潼潼，又或只讓她捉著我的手，她便安靜起來。就是這樣，我倆都慢慢再度入睡。

雖然很多個晚上我亦未能安睡，但這種被需要的感覺實在很好　－　只要潼潼看見我﹑碰到我，便能安心的入睡，我感覺到自己在潼潼心目中的地位。縱然沒有足夠的睡眠時間，我仍然享受能與潼潼一起睡。

一週年紀念

2008年1月13日，這是潼潼誕生的一週年紀念。

• 多謝小衰婆凌晨時候在MSN給潼潼的祝福


• 多謝阿茄送來的SMS，除了祝賀潼潼誕生的記念日以外，亦不忘媽媽的生產紀念日。


• 多謝我老闆在電話的留言，給潼潼送上祝福，亦是作為媽媽最大的希望。

2008年1月13日，我們帶潼潼到沙田跟嫲嫲吃晚飯。之前便順帶給潼潼在附近走走逛逛。

沙田廣場7樓的平台，音樂噴泉都給搬上來了，環境也很優雅。

在這一週年紀念日，潼潼亦幫忙重演了嬰孩時期的一幕幕：

• 嬰兒的生產過程，對媽媽及BB都是一個艱巨的經歷。BB從溫暖又安全的母體內，經過狹窄的產道，走到另一個完全兩樣的世界，這是一場嚴峻的考驗。今天，潼潼就如當日一樣，經歷者各種考驗，在沙田中央公園多次跌倒，擦傷了腳。
  

在晚飯時候，又不小心頭給撞到檯上而腫了一塊。

• 潼潼亦給姐姐來個一週年紀念的賀禮。一年前的潼潼給姐姐帶來了不少麻煩：尿尿臭臭經常都給撒在地上﹑床上﹑褲上﹑鞋上。今天嘛，潼潼在小坐廁上坐了好一會仍沒有收獲，姐姐給她站起來的時候，她就尿了，撒得姐姐一褲子都是；趕忙清理以後，姐姐便給潼潼洗白白，誰知突然聽到姐姐在廁所內叫救命，原來潼潼在浴盤內臭臭呢。

這個紀念日果真有紀念性呢！

一年喇！有些時候，當我望著熟睡的潼潼的時候，就會想著自己是怎樣給潼潼帶到這世界來的呢？對潼潼成長的一點一滴，我亦同時感受到生命的奇妙以及非常感恩，因為在媽媽心中，潼潼的確很了不起。我真的是這樣認為，潼潼的誕生，是我一生中重要的成就。

 

週歲了

這天婆婆給潼潼買了個生日蛋糕，為潼潼慶祝生日。

這木馬是潼潼爸於上星期特意託人家在內地買回來的，算是給潼潼的生日禮物呢！

晚上我們往晚飯，在商場或屋苑的範圍我都讓潼潼自己走路，一路上她都會自行跟著我們的方向走（除了一次錯認了我家的座數以外）。潼潼果真長大了。

態度改變了

爸爸近日對潼潼的態度是明顯改變了。

雖然我們都住在一起，但潼潼對爸爸的態度有時會比街外人更顯得抗拒。潼潼看到爸爸會避開；睡在爸爸旁邊會別個臉﹑把身轉到另一邊；給爸爸抱著時會哭；就算爸爸給她餵食，連貪吃的潼潼也未有給誘騙成功，竟然退後不願走近手上有食物的爸爸。

我想爸爸亦發覺他跟潼潼的關係太惡劣了，最近似乎開始改變態度，沒有動輒就厲聲喝罵。我亦製造機會讓爸爸及潼潼一起耍樂，藉以改善他們之間的親子關係。今天晚上，我們一家出外用膳的時候，我說要給潼潼讓爸爸抱，出乎我意料之外的潼潼是願意伸手到爸爸的那一邊讓爸爸抱。

爸爸的改變是奏效了。我想爸爸也是甜在心裡的呢！連晚飯的時候也抱著潼潼不願放下。

嘔了

潼潼嘔了。幸好潼潼嘔並不是因為發病而嘔。

話說今天下午跟潼潼外出回家以後，潼潼爸因病吃了藥，便到了房間午睡，潼潼媽累透了便挨在梳化旁小睡了，而姐姐則剛剛替潼潼洗過澡後，在房間善後。就在大家都未有為意潼潼的時候，意外便發生了 - 潼潼居然吃了一張紙巾。

潼潼平常都愛把紙巾放進口，但都給我們及時制止。只是今次就因我們未有好好看顧著潼潼的短短時間，潼潼就把紙巾吃了。潼潼吃了紙巾後被哽著在咳，之後便把中午吃的都給嘔出來了。

照顧幼童，真是一刻鐘都不能疏忽呢！

認錯人

這是早前於12月26日拍下的片段，卻忘記剪輯下來。

砌積木

今日o係我同姐姐講緊野既時候，潼潼突然自己好興奮咁係度拍手，原來佢第一次成功咁將兩個積木砌高。之後佢仲繼續嘗試將三舊同四舊積木砌高添。

遊寶康公園

第二次帶潼潼遊將軍澳寶康公園。第一次黎既時候潼潼只會訓覺，今次就好一d喇！

唔知點解，潼潼今日總係咬住手指頭唔放，連爬既時候都只係單手爬，另一隻手就係咁咬。

好奇怪．．．　係我準備用攝錄記拍低佢靜靜坐係度咬住手指唔放既片段既時候，佢竟然識得放低手同避開我部機。究竟潼潼係咪真係知道我錄緊佢既呢

潼潼做乜攬住個頭咁惆悵？

原來佢係示範緊俾大家知耳仔係邊同埋頭髮係邊。

呢個寶康公園其實有唔少遊樂設施，只係潼潼只對滑梯情有獨鍾。不過而家天氣太乾燥喇，每次玩完滑梯都攪到怒髮衝冠咁，真係笑死人。

如廁

「媽媽，人家尿尿也要給公開嗎?」

派對

這天到表姨家參加派對。這是慶祝元旦的派對？是表哥的生日派對？還是提前給潼潼慶祝生日呢？我都弄不清楚。總的是快快樂樂的聚在一起就好了。

因為表姨家裡有很多的玩具，少有地潼潼甫進入表姨家便「自助」的到處遊玩，完全沒有想到要找媽媽。

這天潼潼也收到不少表姨送的禮物呢！潼潼，你太幸福了！