哈哈~~ 呢個唔知係囡囡o既玩具，定係其實係我o既新玩具。
尋日終於買左呢部SANYO o既數碼相機。
其實數碼相機我屋企都有，買呢部機最主要原因係想為寶寶拍下一d生活短片。將來睇番可以有個美好o既回憶，將佢o既童年永遠咁留住。
出面一般o既攝錄機價錢都較貴，而且體積亦較大，我怕自己無咁好心機日日帶住部機出街為囡囡拍短片。呢部機係數碼相機之中o既攝錄功能最強o既，而且價錢較巿面o既攝錄機都平，咁我就可以為囡囡拍下每一刻令人感動o既生活片段喇。好開心呀！！！ 
囡囡~~ 你快ｄ出o黎見我啦！我好心急想見你呀！！
你地諗得好周到喎 ! 又唔係太貴 ! 我又要睇 ^+++^
回覆刪除我本來都買了部傻瓜數碼相機, 都有短片功能。
回覆刪除一心諗住老公既單鏡反光我唔識用, 我拎住呢部細機可以同亞女勁影特影。
點知最後我連呢部細機都懶拎, 改為老公出街時用黎影。
我自己改用手提電話影, 哈哈 :p
我都好期待啊！
回覆刪除呢部係同系列之中最新既CG6，都要二千幾蚊架，同普通數碼相機價錢差唔多啦。 其實係自己個囡，佢一舉一動﹑一個極簡單o既動作，做父母o既都會覺得好可愛。 所以我都未必一定時時帶出街影，係屋企都可以拎黎拍下d生活上o既片段嘛。 希望囡囡可以快d出黎見下各位姐姐啦。我諗個個都會好錫佢o既 ^_^
回覆刪除