你睇下我，肚腩圓圓，係咪大左好多呢？我都覺呢個幾月黎個肚大得好快。
唔知個肚臍遲ｄ會唔會消失呢？不過最緊要唔好凸肚臍就得喇 
，好肉酸架嘛！
雖然個肚係咁大，但係而家都算圓滑，無肚紋架！
可能咁係因為我比較少打側訓既原故啦，因為聽人講側訓好易有肚紋架。
我個ｂ女又曳曳，我一打側訓佢就猛咁踢，做就左我唔會打側訓囉。
但係亦可能係因為無打側訓而壓親條腰，每次想轉身條腰都好痛呢。
除此之外，而家行路都覺得好辛苦，辛苦到唔想出街。
已經唔識分係因為舊患定係因為馱住阿囡，而家行路真係好辛苦好痛，要行得好慢好慢。
每朝番工要慢動作起身，心怕動作太快會因對腳無力而跌親。
又要預早出門口，對腳好似無力咁，行唔得快。
仲有個股關節位行路會痛，有時痛到連大腿內側o既肌肉都痛埋，真係好痛苦呀 ＞＿＜
唔怪得之ｄ準媽媽臨生果個月成日嗌住想寶寶快ｄ出世啦。
聽日去做物理治療，希望情況會好轉啦，不停食止痛藥都唔係辦法呀！
點解個肚有條直紋既？？
回覆刪除早幾個月已經有架喇，我之前都有個網誌提過架 好似叫中分線，大肚係會自然出現架，上講座都有提過，但係我都唔知點解會咁。
回覆刪除呀~ 仲有呀，見唔見到我對豬手呀？ 而家手腫腳腫呢！ｄ手指好似屈唔埋咁呀。
回覆刪除我都聽過話條直紋係比肚皮去伸展到咁大架 !!!
回覆刪除咁即係點呀？即係可以伸展到幾大呀？
回覆刪除我見到呀！咁生完仲會唔會係到架條紋？
回覆刪除呢條直紋生完應該無架喇，不過如果出現妊娠紋就未必收得番喎。
回覆刪除妊娠紋又係咩黎架？點讀架呢隻字？
回覆刪除有邊讀邊啦 孕婦腹部快速膨脹而引起。當皮膚被撐開時，表皮和真皮這兩層組織還有能力配合腹圍擴展的速度，但皮下組織就無法跟得上腹部膨大的速度，于是皮膚的彈性組織經不起擴張就發生了斷裂，整體表現為皮膚上出現紫色或淡紅色、凹陷的、平行的不規則裂紋，這就是妊娠紋。 妊娠紋好醜樣架，不過未必個個都會有o既
回覆刪除我個d紅色突起好似紅虫咁, 好痕 R 損晒 生完變成白色, 都會有少少突起 而家差不多兩年了, 平滑左但白色痕仍在 女女會長大, 樣子會變, 與我既距離變得越黎越遠, 不再親近 但呢D變將會陪伴我渡過埋下半世, 係女女比我不會退去既紀念品
回覆刪除你個肚仲細可以向天訓, 再大D就會迫住你一定要側身訓架喇 否則會壓住你D內藏, 同埋腰骨都會受唔住 你需要傾身訓時可以用我比你個三角墊放係肚下面, 腰既負苛會無咁重 落床後唔好咁快行, 因為未定神會暈, 而且腰會受唔住 坐一陣再企一陣先好行 要傾身起, 唔好做SIT-UP咁一野彈起
回覆刪除下？咁如果本身好瘦，條紋咪仲勁囉！
回覆刪除回應CLARE~ 先兩歲就話有距離.... 好唏噓咁..... :( 其實我而家雖然向天訓，但其實我都要搵野墊住條腰，不過都會轉下身，用你個三角枕頭打側訓。 但係真係比較鐘意向天訓囉，因為阿囡會無咁反斗架 其實好彩我個肚都唔係好大，希望之後都唔會太辛苦。 回應小衰婆~ 其實我唔真係唔知身型瘦肥係咪會影響肚紋o既出現 不過我諗係個肚無咁大，承受既o壓力細d的話，出現肚紋o既機會都會細d囉
回覆刪除凸肚臍係好肉酸，但聽人講凸肚臍係生仔咁解喎！
回覆刪除