時間往往都係不知不覺間流逝,尤其是當你望番轉頭既時候,
先會驚覺原來佢真係跑得咁快。
轉眼間,肚入面既bb已經8個月大喇
8個月,終於出現左豬仔手﹑豬仔腳(水腫)。
手指好似屈唔埋咁,手指關節會有少少痛。
對腳唔知幾時開始”長大了”,又要特意買過一對新o既球鞋。
還好,自從我每晚訓覺把雙腳墊高之後,小腿抽筋o既現象得到改善。
我o既肚仔亦都大左唔少,不過其實比起好多大肚婆,
其實亦都唔算太大,所以應該都唔算太辛苦。
只係....... 3年前有次自己懶勤力咁學人做運動,又唔做熱身,可能因為咁扭親。
而家馱住左b女,令到舊患復發,痛得我要死,簡直寸步難行,坐立不安。
因為太痛,走路既速度好似一個老婆婆,有時甚至要企係度休息一行先行到。
今日番去做產前檢查,醫生都主動問我點解好似行得咁辛苦。
我將情況同醫生講左,佢就俾左d止痛藥同冬青油藥膏我,
仲排左期俾我下星期去做物理治療。
不過仲有兩個月b囡先出世。唔知我可以捱得幾耐呢?
p.s. 增磅共18磅,肚腩36"
增磅得唔錯啊!到時記住通知我啊!我好想買d cute cute bb衫過佢呀!記住做個開心媽咪,俾d信心老公,都俾d信心自己!知嘛!
回覆刪除其實只係3個星期,竟然重左5磅,真係嚇鬼死......
回覆刪除算幾好架啦!個bb女一定會健健康康者!!你打算幾時會入定院等生呀?到時通知我喎!
回覆刪除好野, 就生得 ! 有咩要幫手記住出聲呀 !
回覆刪除幾時作動咪幾時入院囉,剖腹生就話有得揀唶 其實都無乜要幫手o既 ,不過個人懶下懶下咁 b女d野雖然買得7788,但係仲未幫佢執好d
回覆刪除