唔知點解呢幾日會咁大風,但係又唔係太凍
涼風吹過黎特別暢快。
如果阿B女呢個時候出世就好喇!
可惜我個B應該會係冬天出世,真係有點令人擔心。
對於一個新手媽媽,幫BB沖涼換片已經頗有難度,
仲要係天寒地凍,一個唔小心,恐怕會令BB著涼。
報告一下而家BB既狀況先:
BB而家隨左會係我肚入面滾黎滾去之外,
亦開始快高長大喇。
每當我稍為彎腰,都會覺得俾個肚頂住。
雖然辛苦D,不過都唔緊要啦,
最緊要BB夠磅,唔好再俾醫生話輕磅就好喇!
BB,我知媽咪都無乜好野俾你食架喇,鬼叫你有對無飯父母咩。
不過你乖乖地,自己盡量吸收多D啦,媽咪都會盡量從旁協助架喇!
而家我已經盡量減少出夜街,連你老豆夜晚出街食飯都無媽咪份呀
希望多D休息會對你有幫助啦。只要你健健康康,我無街去都係值得o既。
你要準備定暖爐喇, 我啲朋友既經驗係, 開暖爐黎同bb 洗白白, 令一個朋友就係自己沖左先, 咁個沖涼房就會有暖暖既蒸氣, 先同bb 洗白白 !
回覆刪除yes, queen 講得岩, 用暖爐, 我個陣都係咁用。
回覆刪除你唔駛擔心, 初生bb唔會走黎走去, 任你舞, 所以好快可以換完。我個陣個b冬天已經識爬走, 好麻煩, 真怕佢會凍親。
回覆刪除第一年搬入將軍澳果陣,唔知係咪唔習慣, 開住暖爐都覺得好寒,不過第二年既冬天感覺就好d 但係都怕自己手腳慢會凍親b囡。 不過好彩,學clare話齋,阿b任我地舞都係好事黎。
回覆刪除我聽朋友講,個朋友會一路換片一路噴尿架喎!哈哈~~~
回覆刪除放心啦, ok的。初生bb好易舞, 唔識反抗。 如果你擔心佢凍親, 你乭以係佢一上水時即時同佢著左和尚袍先, 入房先著片片囉 (不過記得搵毛巾再包住佢呀, 咪佢尿尿就.....) 開初會有d唔慣, 因為軟巴巴咁。唔好太緊張, 因為我就係成日就住個力, 用得手腕力太多, 有媽媽手, 成半年先好返, 日日要我老公同我拉根先郁得到。 大肚時荷爾蒙分泌加上新手媽媽太緊張之故, 其實唔需要大緊張, 其實佢地無我地想像心中咁「軟弱」既~ 哈哈 有時我同佢掃風佢會黎個大彎腰, 嚇死我, 其實佢地都好大力的。
回覆刪除有d擔心之餘,其實我都幾期待 :)
回覆刪除你開始有做亞媽的感覺了! 當bb越大, 你既感覺就會越強烈~ 媽咪~~~~~~~~~~!!!
回覆刪除其實我唔怕飲鮮奶, 已經日日飲架喇,我都好想BB可以肥肥白白呢。 而家夜晚食芝士,係咪仲要飲埋鮮奶呢?
回覆刪除