秋高氣爽

唔知點解呢幾日會咁大風，但係又唔係太凍

涼風吹過黎特別暢快。

如果阿B女呢個時候出世就好喇！

可惜我個B應該會係冬天出世，真係有點令人擔心。

對於一個新手媽媽，幫BB沖涼換片已經頗有難度，

仲要係天寒地凍，一個唔小心，恐怕會令BB著涼。

 

報告一下而家BB既狀況先：

BB而家隨左會係我肚入面滾黎滾去之外，

亦開始快高長大喇。

每當我稍為彎腰，都會覺得俾個肚頂住。

雖然辛苦D，不過都唔緊要啦，

最緊要BB夠磅，唔好再俾醫生話輕磅就好喇！

 

BB，我知媽咪都無乜好野俾你食架喇，鬼叫你有對無飯父母咩。

不過你乖乖地，自己盡量吸收多D啦，媽咪都會盡量從旁協助架喇！

而家我已經盡量減少出夜街，連你老豆夜晚出街食飯都無媽咪份呀

希望多D休息會對你有幫助啦。只要你健健康康，我無街去都係值得o既。

輕磅BB

 

bb係我肚入面已經24週，即係6個月大喇，

尋日番左健康院做檢查，點知竟然要見醫生（平時檢查係毋需要見醫生）。

佢話我bb個size都合格，但係就偏細，

兩個星期後要再番去做多次檢查。

 

我都明白現階段我係需要非常注重營養o既吸收，

最近除左鮮奶以外，都開始煲下魚湯，仲有朝早早餐食隻雞蛋。

為左bb，希望我可以堅持落去，

係下次番去再檢查o既時候唔會俾人話bb偏細啦

我都想有個肥肥白白又好湊既可愛b囡架。

 

P.S. 已經分唔出肚腩定腰圍：33.5"　共增磅：9 LBS

母乳餵哺

如果可以的話，我是打算用母乳餵哺的。

老實的，我是信心不大，但會努力嘗試，

儘管只是一個月，我覺得對BB都是有益的。

(雖然老公覺得只餵哺一個月母乳對BB影響不大)

一個月後當回復上班工作，相信亦逼不得已要改用奶粉了。

 

上星期四上了一個產前講座是關於母乳餵哺的技巧。

從中學習到餵哺BB時的各種抱姿，還介紹了一些飲食上應注意的地方。

借這裏給自己一個備註。

 

（宜）上奶湯水：

木瓜花生煲魚湯

 

（忌）回奶食物：

麥芽，胚芽，豆豉，乳鴿，花旗蔘，椰菜，肝臟

萬千寵愛

BB的出現絕對是一次意外。

因為她的出現完全不在於我計劃之內，因此她曾經帶給我很多的不安及徬徨。

但原來人間有情，係我同BB的身邊充滿著愛。

好感激身邊的每一位，一直默默地支持同幫忙，

愛錫我，愛錫BB。

無論物質上，經濟上都給我不少幫忙。

而精神上的支持同鼓勵，更令人感動，不可言喻。

 

BB，你仲係我肚入面，但係已經蒙受很多很多的福澤。

希望將來你長大以後，一樣繼續能得到萬千寵愛，上天眷顧。

一生平平安安，快快樂樂。

頑皮寶寶

尋晚訓覺又發夢見到我既寶寶，

可能漸漸接近預產期，夢見寶寶既次數都開始多。

但係唔知點解，每次夢到佢都唔係咁聽我話，

好似總要同我作對咁。

仲要係一個初生寶寶就竟然已經識得同我作對，實在太豈有此理。

 

有了bb以後，莫講話要老公分擔，要佢支持都有點困難

似乎佢自己都接受唔到呢個事實，只會不斷逃避，

我亦不便再向佢多提，唯有靠自己一力承擔。

可能真係俾自己太大壓力，希望呢個真係只係一個夢，

而唔會成為事實啦。