睇電影 - 藍精靈

預先訂左票，今日專登諗住帶潼潼去睇藍精靈電影。

因為幾次帶潼潼去睇戲都唔太順利，所以未訂票之前聽好多人講過話呢套戲好睇，應該岩小朋友睇，所以先諗住帶潼潼去睇。

我唔確定潼潼怕巨大既聲效，還是佢既世界實在太純真 - 佢接受唔到「加達巫師」呢個大奸角。初初見到藍精靈時都仲幾開心，不過到加達出場潼潼就猛咁嗌好驚好驚！佢最初係坐係自己個位度攬實我隻手，之後因為佢怕嚇親佢，所以索性抱住佢。有加達出場既時候，佢就抱住我﹑背向住營幕唔敢望，但係到藍精靈出場時佢又會擰願頭繼續睇。後黎我嘗試同潼潼輕鬆地講解劇情，每當佢知道加達未能得逞佢就好似輕鬆番ｄ。

最後潼潼都睇哂成套戲，不過下次真係唔知搵咩戲俾佢睇好喇！