潼潼既舞蹈學校為潼潼報左名參加附近商場既熱舞大賽，潼潼跟潼潼媽都一直都好期待呢日。
唔知係咪因為潼潼細個，怕佢容易出錯，所以細細粒既佢竟然被編到企係後面既側邊位，好難先睇到佢。如果唔係我地作為父母既有心要影佢，其它人根本睇佢唔到呢! 真係有點失望.... 
雖然潼潼呢隊係全場最年幼既一隊，而且我地都預左係陪跑，不過就無諗過原來同其它隊伍既實力相差咁遠。甩漏好多，可以用一盆散沙黎形容，無諗過會係咁。
不過對於潼潼既表現，潼潼媽已經非常滿意。佢基本上都跟到哂原本既動作，動作亦跟到音樂既節拍，連隔離小朋友同佢傾計佢都無理會繼續跳舞。潼潼媽覺得最攪笑係見到個傻妹係咁高舉雙手同人揮手，十足D大明星咁。哈哈~ 唔知個衰妹係邊度學番黎既呢!
至於比賽結果嘛?幼兒組共八隊參賽隊伍，設冠亞季軍﹑仲有咩團體合作﹑服裝設計等獎項。八隊之中潼潼既舞蹈學校就已經派左三隊出去作賽，一項獎項都無。認真夠「體育精神」
沒有留言:
張貼留言