課程簡介會

潼潼就黎升K2喇！最唔習慣既可能係潼潼媽。

呢日參加學校既課程簡介會，主要介紹K2同K3既活動﹑綜合評估同功課。我自己聽完之後已經心裡一涼。我不嬲都係懶媽媽，想同阿囡一齊懶，唔想幫手睇咁多功課呢！

潼潼呢個暑假會有兩本習作簿＋10張工作紙。到升K2以後，會由每日一本連線功課增加至每日兩份功課，其中包括一份練字 + 數學/英文功課。而學校亦重申，現階段練字主要強調筆訓，反而字體工整與否則屬其次，請家長們配合。

而家平日既功課多數係學校已完成，唔知將來係咪都一樣呢? 我每日放工番到屋企已經好夜，真係無時間睇阿囡功課呢！