六四燭光晚會

今年係我地第二年帶埋潼潼參加六四蠟光晚會。

真係好多人，我地係足球龍門架後面既位置蹣跚前進，行左好耐都差不多係原地踏步。

最後放棄，爬左欄杆出面既小路，我地就係路邊坐低。

真係好多人，路邊不斷有好多人走過，但佢地只能向前行，又無位坐低，但係都一樣要入黎表示支持。

至於潼潼呢！佢拎住蠟燭就成為不少拍友既拍攝對象，今晚好似做左大明星咁呢！

對於平反六四，其實潼潼媽都無乜寄望，我覺得呢D要用長時間由歷史去證明。只不過我覺得係發生過就發生過，唔鐘意聽到有人話「六四」係一個大話。「六四」當年係由新聞報導出黎，當時無人會懷疑。你會懷疑新聞報導的「九一一事件」係一個大話嗎？唔知點解到而家，會有年青人話「六四」係一個大話。