老師的回禮

潼潼在幼兒園的最後一天，亦有收到黃主任既回禮。

有黃主任既小禮物。潼潼番學咁耐，最記掛既除左已經離校既吳老師以外(潼潼到而家仲會同我講話掛住吳老師)，向我提得最多就係黃主任。潼潼成日話黃主任搔佢癢。

仲有老師既祝福。

N班的最後一天

為左今日既last day，潼潼媽尋日一早已經打電話俾黃主任，同佢備案潼潼會帶花番學校，同埋想同放學時同老師一齊影番d相。黃主任話如果放學先影相，咁就影唔到其它小朋友，建議我如果放心的話可以將相機放入潼潼書包，交俾佢地幫我影相。

唔知係咪老師誤會左，最後影番黎既相只有小朋友而無老師。 不過好彩都幫忙影左幾多潼潼既校園生活照。

睇睇下真係不得了，發覺潼潼幾多相都係擺同一個甫士 - 港女十式的其中一式。

多謝哂老師咁幫手。希望佢地會鐘意d花。

謝師

尋晚潼潼媽買左花番屋企，潼潼見到就話要拎番學校送俾老師。俾佢提醒左，6月30日就係潼潼o係樂緻番N班既LAST DAY，咁送幾枝花俾老師聊表心意都好。

今日番工前經過買開花既花店，諗住同老闆講定需要既花，不過店老闆咁岩行開左，於是就唯有同個伙計講。點知..... 到夜晚放工去拎花既時候... 真係嚇我一跳。

本來講明每束兩支黃玫瑰+1支金莎花+碎花點綴，諗住細細束，方便潼潼拎住送俾老師，點知變到咁大扎。

我每星期都係幫襯呢個老闆買花番公司，所以老闆收得我都唔算好貴，不過就略嫌大扎左D，同埋有D超出預算!

我仲要「漏」夜幫潼潼印埋咭仔送俾老師添! 下面兩張就係打印係咭入面既相喇!

大功告成!!!!

0至7歲孩子應該學好的規矩

父母眼中的「問題小孩」是：嚎啕大哭數小時的小寶寶，會咬人和打人的幼兒，吃飯習慣不好的小孩，叫人受不了的幼稚園小孩，會肚子痛的小學生。所有父母都一致認為：「我們想像中的小孩不是這樣！」

但父母可曾思考過，對自己孩子的發展到底有什麼想法？父母的願望與孩子實際學到的規矩有時候天差地遠。任何年齡的孩子，從小寶寶到學齡兒童都有這種情形。0至7歲，不同年齡的孩子該學到哪些規矩？

德國育兒寶典《每個孩子都能學好規矩》作者安妮特．卡斯特尚給家長的建議如下─


嬰兒：一歲前

其實孩子在嬰兒時期就已經能夠學習規矩，或者更適當的講法是：關連性。

新生兒不知道什麼是對或錯，什麼令人喜愛或令人不快。但是小寶寶已經有能力記住父母對他的行為所產生的反應。他能從中推論並決定自己接下來的行為。他的方法還很有限，儘管如此卻非常有效：一個燦爛的微笑能化解父母任何怒氣。激烈的哭泣會引起我們擔心、同情、憤怒或無助。我們幾乎總是迫切希望哭泣能盡快停止。

以下的「規矩」，是寶寶在第一年裡應該可以學好的，而且特別是從第六個月起會決定他的世界觀的規矩。

•「媽媽決定何時供應我飲食以及供應的內容。我可以決定是否要吃以及要吃多少。」
• 「當我吃飽、心滿意足又心情很好時，媽媽特別愛跟我玩而且玩得很盡興。」
• 「當我哭鬧時，會得到所有我需要的一切。如果我繼續哭鬧，爸媽就少注意我。」
•「爸媽一天當中會好好陪我玩好幾回。但是當他們自己有重要的事要做時，我得自己玩一下，即使我不喜歡。」
•「家裡幾乎所有東西都准許我去探索。但有幾樣東西絕對不准碰。」

您的孩子學到的是這類的關連性嗎？如果是，那麼他同時也學到：「從爸媽那兒我可以得到我所需要的一切。但不是要什麼就有什麼。爸媽會注意我的需求。不過有時候他們就是比較清楚什麼對我有好處。」


幼兒：兩歲和三歲

在這段緊湊的發育期裡，每個孩子都以自己的速度擴展視野。這個年紀的孩子無法理解什麼是好什麼是壞。但是他能反覆記住父母一再重複出現的反應，並且從中得出結論。至於是哪些結論則根據他所認識的規矩而定。

以下的規矩可讓這年齡的孩子學習到自我負責的態度：
• 「如果我從別的孩子手中搶走東西，媽媽會從我這兒把東西拿走並且還給他。」
•「如果我不吃午餐，就得等到下一餐。」
•「如果我坐在地上哭鬧，媽媽立刻走出房間。」
•「我現在不再包尿布了，即使我常常『大』在褲子裡。」
•「共用早餐時大家都坐在桌邊。吃完時，可以站起來，但是不准手裡拿著食物亂跑。」


幼稚園：四到六歲

幾乎所有小孩三歲時上幼稚園。這是一段新生活的開始。您懷著哪些幻想和願望陪伴孩子呢？在這個階段，不論孩子的表現是否符合父母的期待，或是和你原來的想像有點出入，父母都必須先接受孩子原本的樣子。雖是如此，家長對這年齡的孩子並非毫無影響力。

以下是4至6歲孩子可以學好的規矩─

• 「即使我衣服還沒穿好：媽媽還是準時送我去幼稚園。」
•「如果我哭鬧得令媽媽很煩，她就走出去。」
•「我的玩具必須自己整理。」

孩子在幼稚園裡還會額外學到其他類似的規矩：
•「所有孩子都乖乖坐好上廁所（大號）。」
•「吃完早餐把自己的盤子收走並且洗乾淨。」


小學：七歲起

你可以夢想孩子是個「理想」的小學生。但是不能按照需求來塑造或教育他。不是每個孩子都能毫不費力地學會閱讀。有些孩子要非常努力才辦得到，而當他最後辦到時，就是個了不起的成就。例如學游泳或安靜坐好就是類似的例子。每個孩子都有他的強項。重要的是發掘和培養。但每個孩子也都有他的界限。這一點父母必須接受。

當要求過度偏離孩子的能力時，壓力已經在前面等著你和孩子。

小學生可以建立的規矩─
•「如果我早上拖拖拉拉，上學就會遲到。」
•「媽媽協助我作功課。當我開始胡鬧時，她就走出房間。」
•「當某些電視節目不適合我看時，電視就會關掉。」

孩子在小學階段在學校還有會許多其他的規矩。這裡舉幾個例子：
•「準時到校。」
•「按照規定完成功課。」
• 「上課時要坐在自己的位子上。」
•「發言要舉手。」


（本文摘自《每個孩子都能學好規矩》‧天下雜誌出版）

媽咪與奶奶的分別

自己媽咪，永遠覺得我刻薄自己﹑刻薄阿囡；連百多元一件衫都唔捨得買俾自己，連新鮮雞﹑新鮮魚都唔買俾阿囡食(其實係姐姐覺得我俾佢既買送錢唔夠買新鮮魚)。同媽咪出街，好似受接濟咁，買衫買鞋媽咪都會自動津貼多少。

同奶奶出街，成日覺得我大洗唔識慳。買廿多元一個沐浴棉俾阿囡都覺得我奢侈。所以同奶奶一齊行街好多時都唔敢買野。

對住奶奶，我要扮窮人；對住媽咪，我要做富婆。

珍惜玩具

一個非常不錯既經驗。

現世代既孩子，相信大家都唔否認佢地對玩具實在得來太易，所以唔懂得珍惜。

呢日潼潼要求玩爸爸收埋左好耐既KERORO軍曹情境玩具。爸爸見潼潼問左咁多次，所以應承左俾潼潼玩。不過再三叮囑潼潼要小心唔可以唔見(因為D小道具實在太細太細粒喇！)

潼潼有得玩當然開心啦！呢套情境玩具認真多道具。有食物﹑廚具﹑檯椅。D野可以俾KERORO拎上手架，全部細細粒，真係幾有趣。

同潼潼玩左一陣，潼潼媽入房換衫準備出街喇！

過左一陣，潼潼突然間喊住咁衝左入黎。我問佢咩事？佢又講唔到。聽爸爸講，原來潼潼想將KERORO放係椅坐低時，可能因為唔識用力「棘」實左，因為佢太夾硬黎所以啪一聲KERORO隻腳就甩左喇！爸爸複述當時既情況，潼潼果刻係呢住KERORO隻腳，重複之前既動作，口窒窒咁嘗試解釋點解KERORO隻腳甩左，然後爸爸側目瞥左佢一眼，佢就知衰，怕得喊住咁走左入黎搵我喇！

我諗起當時潼潼既反應，我真係覺得好想笑。

爸爸最後都整番好KERORO，問潼潼下次仲玩唔玩，潼潼都話唔敢玩喇！　爸爸仲話俾佢試下要珍惜D玩具都係好事喎！咁呢個我絕對認同既！潼潼真係無邊件玩具佢係特別珍惜架！

潼潼製作的禮物

星期六早上

潼潼：我隻碟呢？

潼潼媽：咩碟呀？（仲以前佢講佢D CD)

潼潼：送俾爸爸架！

潼潼媽恍然大悟：係咪係書包度呀？

潼潼：等我睇下先！

潼潼：哦~~~~ 真係o係度！

果然係父親節禮物，係潼潼第一份自己製作既禮物，亦係爸爸收到既第一份父親節禮物，而潼潼亦知道有父親節（我提左個「父」字佢識講埋「親節」）。

(母親節禮物? 母親節前既星期五潼潼剛好請左假，所以潼潼媽無收到母親節禮物。)

雖然潼潼參予既唔多，不過起碼佢星期六早上自己記得有件禮物係送俾爸爸既。

 

傻薯頭

因為有優惠價，所以買左一個薯頭俾潼潼，可以讓潼潼充份發揮左佢既創意。

以為佢係亂黎 ?但我砌番好個薯頭之後，佢竟然可以砌番同之前一模一樣既出黎。

唔睇電視

潼潼經常學著大人既說話，有時會反過來話我：「食飯唔好聽電視呀！」

呢日放工番屋企見到潼潼食緊飯，卻看電視看得入神。

潼潼媽：食飯唔好睇電視呀！（等你話我丫拿）

潼潼：我唔睇電視架啦！

（但眼睛仍離不開電視）

潼潼：我睇媽me ！

嘩！！！　好識氹人！！！　

好可惜，講既時候依然望住個電視。

 

 

端午節

諗住潼潼漸懂事，一心諗住帶個衰妹去睇賽龍舟。點知問佢好幾次去唔去睇龍船佢都話唔去。直到係電視睇到直播節目，見佢睇得入神，呢個時候再問佢，佢先話去。沙田賽龍舟一定趕唔到喇，唯有諗下西貢既賽事啦！

急急忙忙換衫諗住搭小巴落西貢碼頭，點知屋企樓下個站無哂位。又特登行去地鐵站既小巴總站。不得了，排哂長龍。呢個時候舅夫打電話黎，話約我地三點半，同潼潼去反斗城買玩具喎！哎呀！尋日潼潼同我講話同舅夫去反斗城我仲以為佢自己亂作既。

眼見小巴站又焗又熱兼排哂長龍，又怕上到車去到西貢人地賽事都完哂啦（己經十二點幾，CHECK過賽事至到兩點咋！)，又未同潼潼食午飯，仲要趕住番出黎同佢去反斗城。決定都係算喇！！我問潼潼不如唔去睇龍船好無？可能潼潼都覺得係小巴站好辛苦，所以都應承左。

節目改變，改為同潼潼一齊上番去商場過冷河（個小巴站係地鐵站下面，真係好焗好辛苦），去書局睇下童書，然後食埋野，跟住就過太古反斗城揀禮物喇！

揀完禮物，夜晚就同公公飯飯過節＋慶祝父親節＋慶祝生辰（百搭）。

潼潼做SIT UP

爸爸要做運動，潼潼亦學著要做。不過係絕對不合格既SIT UP。

一齊病

呢幾日潼潼媽都有點咳，但係唔算嚴重，所以一直無乜點理。點知昨晚發燒，諗住食左葯早D訓就算，更叮囑潼潼夜晚唔可以爬過黎媽媽度一齊訓。到半夜，潼潼真係好乖無過黎訓，只係係度叫住「媽ME~ 媽ME~」我遞過手去拖住佢隻手仔。點知一拖，乜咁熱?原來連潼潼都發燒喇！仲103度添！呢排新聞又腸病毒，又手足口，我都唔敢掉以輕心，到朝早齊齊請假，然後去睇醫生。

去到診所，我趁機幫同潼潼磅下體重。都只係27磅，95cm高，實在太輕。環顧四周，診所內無人比潼潼更精神。入去見醫生時，醫生邊診症，潼潼邊玩玩具。就算側著身俾醫生聽聽筒﹑睇喉嚨，潼潼亦不放過，用一隻手去玩玩具。連醫生都忍唔住：「一陣先玩好無？咁都玩得一餐！」

番到屋企，潼潼緊係無事啦！

姐姐煲左粥，我話:「d粥好好味!」潼潼都話:「好好味。」不過最後佢依然係食唔哂(成日唔食野，又點會重丫)。我話:「你又話好好味既!點解食唔哂?」潼潼答我:「我係問你好唔好味唶!」平時講野唔見佢咁叻，駁咀就叻。

不過潼潼夠精神，證明佢無乜事，咁都係好既!

 

六四燭光晚會

今年係我地第二年帶埋潼潼參加六四蠟光晚會。

真係好多人，我地係足球龍門架後面既位置蹣跚前進，行左好耐都差不多係原地踏步。

最後放棄，爬左欄杆出面既小路，我地就係路邊坐低。

真係好多人，路邊不斷有好多人走過，但佢地只能向前行，又無位坐低，但係都一樣要入黎表示支持。

至於潼潼呢！佢拎住蠟燭就成為不少拍友既拍攝對象，今晚好似做左大明星咁呢！

對於平反六四，其實潼潼媽都無乜寄望，我覺得呢D要用長時間由歷史去證明。只不過我覺得係發生過就發生過，唔鐘意聽到有人話「六四」係一個大話。「六四」當年係由新聞報導出黎，當時無人會懷疑。你會懷疑新聞報導的「九一一事件」係一個大話嗎？唔知點解到而家，會有年青人話「六四」係一個大話。

媽媽的生日

呢日係潼潼媽既生日。

中午跟同事一齊去鹿鳴春食飯。自從公司搬左以後，好耐無黎呢間老店食野喇！入面ｄ伙計態度親切，野食又好味，最欣賞佢既甜品 － 高力豆沙同埋白合桃露。

之後仲有生日蛋糕添，係ZOE的生日蛋糕。老細話ZOE既蛋糕係佢食過最好味既！下面呢張亦係老細珍藏既賀咭。（咦？掛住影企鵝，原來影唔哂張咭添）上面有好多唔同年齡既企鵝架！你搵唔搵到自己年齡既企鵝呢？

最鐘意佢右下角果幾隻幼齡小企鵝。

仲有老細送既生日禮物。放係公司用，以後可以安心係公司慢慢做？

夜晚同潼潼媽一家人係APM食晚飯。食過晚飯後行商場時，姨媽送左對CROCS鞋俾潼潼。個衰妹，平時我話「NO」既野，佢會耍脾氣跟住話「唔要呀！媽媽話唔要呀！」。點知今次居然識同我唱反調，我話「唔要」，佢就大聲話「要」。睇黎潼潼真係好鐘意呢對鞋。

多謝姨媽！不過今日係潼潼生日咩？唔緊要啦！潼潼開心，媽媽一樣咁開心嘛！

就係咁，潼潼擁有左佢第一對正牌CROCS鞋喇！真係好貴．．．．．潼潼媽一定唔捨得買，但係呢個款又真係好CUTE好靚！