輪狀病毒? 洛沃克?

潼潼又病了。

星期日晚上潼潼坐巴士回家途中嘔了，我地唔太肯定佢係暈車浪?抑或爸爸抱佢時訓著左所以對手壓親佢?還是真係病左，所以當晚未有理會。

點知到星期一夜半，潼潼兩度半夜邊睡邊扭計係度喊，第二朝訓醒又肚瀉，所以又要帶潼潼去睇醫生喇！

去到睇醫生．．．．

醫生：唔會咁耐都未清架！佢應該係再次惹到！

我：咁佢唔係應該有抗體架咩？

醫生：咁同類病徵都會有幾種：輪狀病毒．．．　洛沃克．．．即使同一樣輪狀病毒都會有唔同。小心D啦，呢排好多小朋友都係咁。

我：咁駛唔駛唔出街

醫生：咁又唔駛~~~ 就算佢唔出街，你地出街都有機會帶D病菌番黎。小心D多D洗手。

估唔到潼潼病好了未有一個星期又再染病。