爭食

星期日上堂玩過一個遊戲，係將物件收埋係幾個杯入面，再係小朋友面前調轉位置，問番小朋友件物件放左係邊隻杯入面。潼潼係呢個遊戲入面表現好差，我覺得係佢唔專心。

呢日係屋企又同潼潼玩呢個遊戲，收埋既物件換轉係糖。但係潼潼依然唔肯專心。雖然係坐係我前面，但係都係掛住周圍望，玩自己手上面既玩具。結果？當然係猜唔中粒糖放係邊啦！

由於潼潼猜唔中粒糖係邊，我將粒糖俾左姐姐食。呢個時候潼潼先「醒覺」原來粒糖唔係一定係俾佢食，係度呱呱大叫，然後要去搶。但係姐姐已經將粒糖放入口，潼潼竟然想伸手入姐姐口度拎，笑死我。

之後潼潼仲喊住咁伸直手板對姐姐：「嗚嗚~~ LUR番出黎呀!!!」

 潼潼，LUR番出黎你會照食嗎?

我以後都會繼續同潼潼玩呢個遊戲。

吃壽司

呢日潼潼爸要姐姐幫手係屋企拎野俾佢，所以要湊埋潼潼出黎，就趁呢個機會放工時一齊出去食晚飯，我地揀左去食壽司。

今次係潼潼第一次食壽司，當然我地會挑開生既食物唔俾潼潼食。潼潼雖然只係食舊飯，但係都依然食得津津有味，大啖大啖咁，真係平時食飯唔見佢食得咁快。佢仲要學我地點豉油添！

跟住又試下食手卷。紫菜對於潼潼黎講，似乎韌左D，不過佢都好努力。

2009下水禮

天氣開始熱，好多小朋友都開始左下水禮。我地呢日都帶潼潼去清水灣二灘諗住玩下水。

舊年潼潼只得一歲多，第二次去沙灘已經敢周圍走。細路仔唔識驚，竟然夠膽自己走出海「不」水玩。

以為今年大個女就更加醒，點知一切從頭開始。個衰妹竟然連企係沙地都唔肯，又唔肯俾人幫佢換泳衣，跟住係咁同佢玩沙先係咁意肯掂下d沙咋。到走又係攬到實，沖身時喊到傻。

唉..... 又要慢慢再俾佢習慣番先得喇！

好無呀？

同潼潼行商場，拎起一個仿殺虫水紙筒假裝向潼潼噴，潼潼拎黎睇完之後俾番我。

潼潼：「要擺番好呀！知唔知呀？」

潼潼媽：「哦！」

************************************

再繼續行，潼潼拎起一包餅餅話要買。潼潼媽見係夾心餅，好似唔係咁好，就拎起一包牛奶餅俾潼潼。

潼潼媽：「不如買呢個丫，好無呀？」

潼潼拎住手上包餅：「買呢個丫，好無呀？」

父親節獻禮預告片

「爸爸，你敬我一尺，我敬你一腳。等我回饋你一腳飛毛腿啦！」