不過呢日潼潼心情大好，影左好多靚相呀，好似模特兒上身咁，擺左好多唔同既甫士，真係唔知佢係邊度學番黎。
2012年12月28日 星期五
2012年12月26日 星期三
2012年12月25日 星期二
聖誕老人的禮物
潼潼媽同潼潼爸一向都唔太注重節日，加上每年聖誕，潼潼都會係表姨攪既聖誕party收到姨媽同表姨送既禮物，所以我地都唔會額外同潼潼買聖誕禮物。而關於聖誕老人既傳說，因為唔會額外送聖誕禮物，所以都無向佢提過。
今年聖誕表姨到外地旅遊，無大攪聖誕party，我又咁岩聽到潼潼話好想要個會開合眼睛既洋娃娃，所以諗起用聖誕老人名義送潼潼一個洋娃娃。
我同潼潼講聖誕老人既事，原來潼潼早對聖誕老人既幻想破滅，原來外傭姐姐已對潼潼講過聖誕老人係假既。so poor......
幸好潼潼仲細，要佢重新相信聖誕老人既存在並唔難，只要我呢個係小朋友眼中極可信既媽媽講幾句，佢就信哂啦。
我話佢知其實我地可以寄信俾聖誕老人(呢個係事實)，無寄信俾聖誕老人當然就唔會收到禮物啦! 潼潼即刻叫我幫佢寄信。弊傢伙! 佢真係要我同佢去郵局寄信點收科? 
呢個時候潼潼媽又自圓其說，話而家寄信太遲，等我發電郵俾聖誕老人啦! 
平安夜既晚上，潼潼好乖，因為佢希望聖誕老人會送禮物俾佢。同時多次提醒爸爸要早d訓，唔好阻礙聖誕老人送禮物俾佢。
潼潼好興奮，不停自言自語問唔知聖誕老人會唔會送禮物俾佢呢? 係等待聖誕老人送禮物既同時，佢亦放左塊自家製曲奇係聖誕襪度，話送俾聖誕老人食，真係乖喇!
到第二日聖誕節早上，潼潼剛醒既時候好明顯係忘記左聖誕老人送禮物既事，潼潼媽亦無主動提佢。到我走左出廳既時候，潼潼就好開心咁話我知聖誕老人真係送左聖誕禮物俾佢，仲叫我入房幫佢手拎出黎。但佢見到個洋娃娃時真係好開心，話真係佢想要果種洋娃娃呀! 佢仲檢查過聖誕襪，好開心話聖誕老人有食佢塊奇曲，又話尋晚都好似聽到聖誕老人入黎添。
潼潼收到聖誕老人既禮物，真係好開心好滿足啊!
呢日潼潼整日都不時自言自語話好開心聖誕老人真係送左禮物俾佢，連夜晚去街都要帶埋份禮物出去，亦逢人都同佢地講話收到聖誕老人送既禮物。
潼潼收到呢份禮物，真係遠比平時收禮物時開心。我諗，小朋友係絕得值得保留呢份童真同幻想既。
今年聖誕表姨到外地旅遊，無大攪聖誕party，我又咁岩聽到潼潼話好想要個會開合眼睛既洋娃娃，所以諗起用聖誕老人名義送潼潼一個洋娃娃。
我同潼潼講聖誕老人既事，原來潼潼早對聖誕老人既幻想破滅，原來外傭姐姐已對潼潼講過聖誕老人係假既。so poor......
幸好潼潼仲細，要佢重新相信聖誕老人既存在並唔難，只要我呢個係小朋友眼中極可信既媽媽講幾句，佢就信哂啦。
我話佢知其實我地可以寄信俾聖誕老人(呢個係事實)，無寄信俾聖誕老人當然就唔會收到禮物啦! 潼潼即刻叫我幫佢寄信。弊傢伙! 佢真係要我同佢去郵局寄信點收科? 
呢個時候潼潼媽又自圓其說，話而家寄信太遲，等我發電郵俾聖誕老人啦! 
平安夜既晚上，潼潼好乖，因為佢希望聖誕老人會送禮物俾佢。同時多次提醒爸爸要早d訓，唔好阻礙聖誕老人送禮物俾佢。
潼潼好興奮，不停自言自語問唔知聖誕老人會唔會送禮物俾佢呢? 係等待聖誕老人送禮物既同時，佢亦放左塊自家製曲奇係聖誕襪度，話送俾聖誕老人食，真係乖喇!到第二日聖誕節早上，潼潼剛醒既時候好明顯係忘記左聖誕老人送禮物既事，潼潼媽亦無主動提佢。到我走左出廳既時候，潼潼就好開心咁話我知聖誕老人真係送左聖誕禮物俾佢，仲叫我入房幫佢手拎出黎。但佢見到個洋娃娃時真係好開心，話真係佢想要果種洋娃娃呀! 佢仲檢查過聖誕襪，好開心話聖誕老人有食佢塊奇曲，又話尋晚都好似聽到聖誕老人入黎添。
潼潼收到聖誕老人既禮物，真係好開心好滿足啊!
呢日潼潼整日都不時自言自語話好開心聖誕老人真係送左禮物俾佢，連夜晚去街都要帶埋份禮物出去，亦逢人都同佢地講話收到聖誕老人送既禮物。
潼潼收到呢份禮物，真係遠比平時收禮物時開心。我諗，小朋友係絕得值得保留呢份童真同幻想既。
2012年12月9日 星期日
2012年11月26日 星期一
小一派位 - 超級LUCKY
現今既香港社會，即使入幼稚園都好似上戰場咁，個個媽媽準備十足，為子女報讀多間名校再從中篩選。相比之下，潼潼媽就懶散得多。
可能每個人既教育方針都唔同，還好我同潼潼爸係呢方面都比較有共識，再加上客觀條件，係潼潼升小一選校之中，我地只準備讓潼潼參加香港教育制度下，可以話好公平，亦都可以話唔公平既「大抽獎」。
小一派位分兩個階段 - 「自行分配」及「統一派位」。係第一階段公佈結果之前，我地已經參加左交表學校既簡介會。係會中學校都俾左一D已知既數據我地，聽完之後，真係心中一涼，知道潼潼只憑「首名子女」既「優勢」而獲得學位既機會極渺少。加上結果公佈前一日，新聞節目已經報導今年在第一階段獲派位的成功率係過去十多年新低，基本上可以話希望 = 零。
但點都好，到呢個大日子，我盡量懷著正能量，再希望加上潼潼既少少運氣，故且上網查一查結果。
結果??? 卻令我喜出望外!!!!!
潼潼竟然得左
可能每個人既教育方針都唔同，還好我同潼潼爸係呢方面都比較有共識，再加上客觀條件，係潼潼升小一選校之中，我地只準備讓潼潼參加香港教育制度下，可以話好公平，亦都可以話唔公平既「大抽獎」。
小一派位分兩個階段 - 「自行分配」及「統一派位」。係第一階段公佈結果之前，我地已經參加左交表學校既簡介會。係會中學校都俾左一D已知既數據我地，聽完之後，真係心中一涼，知道潼潼只憑「首名子女」既「優勢」而獲得學位既機會極渺少。加上結果公佈前一日，新聞節目已經報導今年在第一階段獲派位的成功率係過去十多年新低，基本上可以話希望 = 零。
但點都好，到呢個大日子，我盡量懷著正能量，再希望加上潼潼既少少運氣，故且上網查一查結果。
結果??? 卻令我喜出望外!!!!!
潼潼竟然得左
我同潼潼爸都開心到不得了。第二階段係6月先會有結果，潼潼咁快得左，我同潼潼爸都少頭痛半年喇!!
阿囡，你係得既!!! 希望呢個會係個好開始。
2012年11月17日 星期六
2012年10月22日 星期一
我的爸爸
媽媽複述你第一眼看見我時的說話 :「鼻很高，好美啊!」這是你給我第一句讚美的說話，多謝！
都讀小學了，我仍愛站在凳上，從你身後擁上，要你背著我在屋內走。你笑我是三姊弟中最愛撒嬌的了。
小時候，爸媽姊弟一同擠在一個房間睡。我總愛把手伸到隔鄰的床，要拖著你的手睡。
半夜時份我腳痛哭起來，是你起來給我搓腳。
一次你兩手各提一個書包，為了送我及姐姐一同趕乘校車，奔跑時不慎跌倒了。後來校車拐了個彎，經過回家的路上，看到你還坐在大廈的樓梯級上揉著腳。
祖母及伯父相繼去世後，廿多歲的我仍依賴著你來照顧，家中的家務都由你獨力擔當；我病了的時候由你來煎藥；早上你會為我們買早餐；星期日早茶由你到酒樓先找位子。人們都稱你為「廿四孝爸爸」。
你常說「老來從子」，你真的做了。我們三姊弟的事，你從來只有關心，卻沒有多管束。
這一年多，你身體虛弱多了，身上的病患都令你很難受罷？！你的離去，是一種解脫。
那刻我走到你身邊，希望你感受到家人的愛，讓你知道你並不孤單，我拖著你的手，撫著你的額，仍暖暖的，你像是睡著了。慢慢，感受到你前臂的冰冷．． 額頭．． 手．．． 最後嘴唇也變蒼白。這是我第一次切切實實地，用自己的感覺去面對死亡，不捨與難過的感覺都比過去強烈。
今天，你的事情都大致辦妥了。
雖然未過頭七你已上了天家，沒有回魂夜，但仍希望你能給我一個夢，告知我一切安好。
父親大人，過去辛苦你了，安息罷！在天國好好享福。
都讀小學了，我仍愛站在凳上，從你身後擁上，要你背著我在屋內走。你笑我是三姊弟中最愛撒嬌的了。
小時候，爸媽姊弟一同擠在一個房間睡。我總愛把手伸到隔鄰的床，要拖著你的手睡。
半夜時份我腳痛哭起來，是你起來給我搓腳。
一次你兩手各提一個書包，為了送我及姐姐一同趕乘校車，奔跑時不慎跌倒了。後來校車拐了個彎，經過回家的路上，看到你還坐在大廈的樓梯級上揉著腳。
祖母及伯父相繼去世後，廿多歲的我仍依賴著你來照顧，家中的家務都由你獨力擔當；我病了的時候由你來煎藥；早上你會為我們買早餐；星期日早茶由你到酒樓先找位子。人們都稱你為「廿四孝爸爸」。
你常說「老來從子」，你真的做了。我們三姊弟的事，你從來只有關心，卻沒有多管束。
這一年多，你身體虛弱多了，身上的病患都令你很難受罷？！你的離去，是一種解脫。
那刻我走到你身邊，希望你感受到家人的愛，讓你知道你並不孤單，我拖著你的手，撫著你的額，仍暖暖的，你像是睡著了。慢慢，感受到你前臂的冰冷．． 額頭．． 手．．． 最後嘴唇也變蒼白。這是我第一次切切實實地，用自己的感覺去面對死亡，不捨與難過的感覺都比過去強烈。
今天，你的事情都大致辦妥了。
雖然未過頭七你已上了天家，沒有回魂夜，但仍希望你能給我一個夢，告知我一切安好。
父親大人，過去辛苦你了，安息罷！在天國好好享福。
2012年10月2日 星期二
2012年9月30日 星期日
2012年9月26日 星期三
潼潼與MICKY (第2回)
好多時潼潼臨訓前都喜歡要我扮MICKY同佢傾偈。呢日我用緊MICKY身份同佢傾偈既時候，唔小心話左佢一句，叫佢快D訓，佢竟然遷怒於MICKY。 以下係潼潼同「MICKY」既對話，當中其實夾雜左唔少我地平時對潼潼講既說話。
潼潼：我唔同你訓呀！你自己係果度訓。
媽meMICKY：但係果度訓得唔舒服架喎!
潼潼：咁你訓呢度啦！其實你都大個喇！要自己訓架喇！ （呢句係爸爸平時對潼潼講既）
媽meMICKY：你都唔錫我既! (呢句係媽me學潼潼講)
潼潼：唔可以講晦氣說話架。 （平時潼潼媽就係咁回應潼潼，又輪到潼潼學番我既說話）
媽meMICKY：咁我同媽me訓唔同你訓。
潼潼：聽日我會同番你訓。
之後果句先犀利，嚇死潼潼媽。
潼潼一邊用毛巾仔幫MICKY冚被，一邊自言自語：MICKY真係大個喇！張毛巾都已經唔夠喇。估唔到公仔都會大個。 公仔都會大個??? 咁真係好得人驚喎!
2012年9月4日 星期二
K3開學
放左悠長暑假，9月4日新學年開學喇! 同往年一樣，潼潼媽特別請左日假陪阿囡番學。
個多月無見，好多老師同嬸嬸見到潼潼第一句就話佢高左。日日見住又不為意，後黎認真望下佢條裙，再度下高，又真係高左喎! 小朋友真係大得快。
潼潼今年升高班喇! 係幼稚園生活既最後一年，其實我都係好唔捨得。一黎呢間學校上至校長﹑下至校工都對幼兒教育好有熱誠，對小朋友好有愛心。其次就係因為潼潼媽既蜜月期就快完喇! 升到小學真係有排捱。
陪左潼潼開學三年喇! (如果計埋學前班就四年添) 特登搵番之前開學首日既相回顧下。
K1首日開學
K2首日開學
睇下潼潼，K1同K2既時候都仲係面圓圓，變化唔大。而家塊面尖哂，真係變左大姐姐喇!
個多月無見，好多老師同嬸嬸見到潼潼第一句就話佢高左。日日見住又不為意，後黎認真望下佢條裙，再度下高，又真係高左喎! 小朋友真係大得快。
潼潼今年升高班喇! 係幼稚園生活既最後一年，其實我都係好唔捨得。一黎呢間學校上至校長﹑下至校工都對幼兒教育好有熱誠，對小朋友好有愛心。其次就係因為潼潼媽既蜜月期就快完喇! 升到小學真係有排捱。
陪左潼潼開學三年喇! (如果計埋學前班就四年添) 特登搵番之前開學首日既相回顧下。
K1首日開學
K2首日開學
睇下潼潼，K1同K2既時候都仲係面圓圓，變化唔大。而家塊面尖哂，真係變左大姐姐喇!
訂閱：
意見 (Atom)