K3開學

放左悠長暑假，9月4日新學年開學喇! 同往年一樣，潼潼媽特別請左日假陪阿囡番學。



個多月無見，好多老師同嬸嬸見到潼潼第一句就話佢高左。日日見住又不為意，後黎認真望下佢條裙，再度下高，又真係高左喎! 小朋友真係大得快。



潼潼今年升高班喇! 係幼稚園生活既最後一年，其實我都係好唔捨得。一黎呢間學校上至校長﹑下至校工都對幼兒教育好有熱誠，對小朋友好有愛心。其次就係因為潼潼媽既蜜月期就快完喇! 升到小學真係有排捱。

陪左潼潼開學三年喇! (如果計埋學前班就四年添) 特登搵番之前開學首日既相回顧下。

K1首日開學

K2首日開學


睇下潼潼，K1同K2既時候都仲係面圓圓，變化唔大。而家塊面尖哂，真係變左大姐姐喇!