好多時潼潼臨訓前都喜歡要我扮MICKY同佢傾偈。呢日我用緊MICKY身份同佢傾偈既時候,唔小心話左佢一句,叫佢快D訓,佢竟然遷怒於MICKY。 以下係潼潼同「MICKY」既對話,當中其實夾雜左唔少我地平時對潼潼講既說話。
潼潼:我唔同你訓呀!你自己係果度訓。
媽meMICKY:但係果度訓得唔舒服架喎!
潼潼:咁你訓呢度啦!其實你都大個喇!要自己訓架喇! (呢句係爸爸平時對潼潼講既)
媽meMICKY:你都唔錫我既! (呢句係媽me學潼潼講)
潼潼:唔可以講晦氣說話架。 (平時潼潼媽就係咁回應潼潼,又輪到潼潼學番我既說話)
媽meMICKY:咁我同媽me訓唔同你訓。
潼潼:聽日我會同番你訓。
之後果句先犀利,嚇死潼潼媽。
潼潼一邊用毛巾仔幫MICKY冚被,一邊自言自語:MICKY真係大個喇!張毛巾都已經唔夠喇。估唔到公仔都會大個。
公仔都會大個??? 咁真係好得人驚喎!
沒有留言:
張貼留言