數學精英選拔賽

收到學校既通告，其中一份係某小學舉辦既「幼稚園數學精英選拔賽」參加表格。其實一直以黎潼潼媽都無特別訓練過潼潼，好肯定潼潼一定唔會係精英啦！不過見後面有ｄ模擬題目，又俾潼潼試下先。

果然，好快已經被KO左喇!

不過呢個比賽係俾K2同K3既小朋友參加，真係有需要識得咁深既加﹑減數嗎?

本來我都有考慮俾潼潼參加當玩下，不過已經被爸爸潑左冷水。算啦~ 潼潼媽都係唔好攪攪陣無幫襯喇!