呢日係一個特別既日子:
今日掛起今年第一個八號風球
令我地放今年第一個風球假期
呢個係一個中秋後的風球假期
亦係三年嚟既風球假期
無端端多日假大家都好興奮，商場入面好多人，好熱鬧。
八號風球做ｄ乜？我﹑姐姐，仲有潼潼係度玩UNO囉!
真係唔好睇少小朋友，估唔到潼潼係可以玩到UNO。雖然有時仲係需要提示，不過大致上係明白遊戲規則。佢對於呢個新遊戲仲好有興趣，玩到差唔多唔停得手，連訓覺前都仲要玩多次添!
2011年9月24日 星期六
K2老師家訪
岩岩開學未夠一個月，就安排了家訪，寫既時候先感覺呢個安排原來亦頗貼心。
係老師黎之前，我先同潼潼預習左點樣招待老師，等佢有個心理準備。唔知係咪太好準備，當老師黎到時潼潼表現好興奮，不斷同老師講個不停。又不時拎出照片同玩具同老師分享，攪到我同老師未能好好傾談。最後要由爸爸出馬，去左同潼潼玩，我同老師先傾到計。
今次老師主要都係講番呢個星期初潼潼唔想番學既問題。
老師話由幼兒班升低班，其實係一個過渡期。最初我聽到都有D不明所意，問個究竟之後，先知道除左功課有變動之外(開始要寫字喇)，學生亦要開始學習自我照顧。例如午睡後要自己褶被﹑食茶點/午飯時要自己執拾等等。可能潼潼感到壓力，不安情緒亦係過去一﹑兩週從行為上表現左出黎，只係潼潼媽未有即時察覺。包括係學校時經常上洗手間，又整個星期都叫住話肚痛唔想番學。不過老師就話潼潼過去一兩日表現似乎開始穩定番。
由我同老師言談間可以總括到潼潼既兩大問題，一係自信心唔夠，二係輸唔起。
而家好多野開始要由小朋友自己動手做，而好多時潼潼係未做已經話自己做唔到，每次都需要人去鼓勵先肯嘗試。其實呢個情況係屋企都經常出現，但係真係唔明點解潼潼會有呢個問題。感覺潼潼年幼時都蠻有自信，每事都躍躍欲試，唔知係幾時開始俾我地大人打繫到咁怕事。
而我相信潼潼亦係對自己有要求既人，尤其是o係學校既表現，佢一直都努力去表現出自己係個好學生。不過就因為佢輸唔起，怕自己做唔到老師要求做既，所以做成壓力。老師話佢地而家下午有時會玩uno遊戲(咁細個玩到uno，真係嚇我一跳，有點低估左小朋友添)，等佢地能夠從遊戲中學習接受挫敗，而且失敗過後亦隨時可以反敗為勝。亦會把握基會係一眾小朋友面前表揚個別小朋友既好行為，以增強佢地既自信心。
得到老師既提點，我會多加留意，希望之後會見到成績。
係老師黎之前，我先同潼潼預習左點樣招待老師，等佢有個心理準備。唔知係咪太好準備，當老師黎到時潼潼表現好興奮，不斷同老師講個不停。又不時拎出照片同玩具同老師分享，攪到我同老師未能好好傾談。最後要由爸爸出馬，去左同潼潼玩，我同老師先傾到計。
今次老師主要都係講番呢個星期初潼潼唔想番學既問題。
老師話由幼兒班升低班，其實係一個過渡期。最初我聽到都有D不明所意，問個究竟之後，先知道除左功課有變動之外(開始要寫字喇)，學生亦要開始學習自我照顧。例如午睡後要自己褶被﹑食茶點/午飯時要自己執拾等等。可能潼潼感到壓力，不安情緒亦係過去一﹑兩週從行為上表現左出黎，只係潼潼媽未有即時察覺。包括係學校時經常上洗手間，又整個星期都叫住話肚痛唔想番學。不過老師就話潼潼過去一兩日表現似乎開始穩定番。
由我同老師言談間可以總括到潼潼既兩大問題，一係自信心唔夠，二係輸唔起。
而家好多野開始要由小朋友自己動手做，而好多時潼潼係未做已經話自己做唔到，每次都需要人去鼓勵先肯嘗試。其實呢個情況係屋企都經常出現，但係真係唔明點解潼潼會有呢個問題。感覺潼潼年幼時都蠻有自信，每事都躍躍欲試，唔知係幾時開始俾我地大人打繫到咁怕事。
而我相信潼潼亦係對自己有要求既人，尤其是o係學校既表現，佢一直都努力去表現出自己係個好學生。不過就因為佢輸唔起，怕自己做唔到老師要求做既，所以做成壓力。老師話佢地而家下午有時會玩uno遊戲(咁細個玩到uno，真係嚇我一跳，有點低估左小朋友添)，等佢地能夠從遊戲中學習接受挫敗，而且失敗過後亦隨時可以反敗為勝。亦會把握基會係一眾小朋友面前表揚個別小朋友既好行為，以增強佢地既自信心。得到老師既提點，我會多加留意，希望之後會見到成績。
2011年9月19日 星期一
唔想番學
今早潼潼媽親自帶潼潼番學，因為少有地潼潼 今早竟然喊住咁話唔想番學。
潼潼已經係K2學生，基本上對學校既生活已經適應哂，而過往亦未試過咁強烈咁表示唔想番學。佢不但不停咁重複住「唔想番學」，後黎仲喊住咁﹑用懇求既語氣對我講:「媽咪，我唔想番學呀!
」我只好係佢身邊，安撫住佢。我嘗試問潼潼點解唔想番學，但係始終未能問個究竟。
我一直係潼潼身邊時佢情緒稍為穩定，但係依然提住唔想番學。見情況不妙，潼潼媽唯有同潼潼一齊番學校。
番校途中，我同姐姐都有嘗試轉移話題問潼潼其它野，但係佢依然唔理會我地，只係回應一句「唔想番學」。點解突然會咁架?實在好令人擔心.... 番到學校，我同潼潼既班主任交待左潼潼個情況，請佢留意潼潼既情緒就離開喇!
到晚上老師打電話俾我，講番潼潼早上既情況。佢話潼潼最初都係有唔開心，不過後黎同佢玩左小遊戲，佢地組勝出後佢已經開心番(呢樣潼潼都有同我講)。課堂之後老師問潼潼做乜上午唔開心唔想番學，潼潼就答話因為掛住媽ME (我同老師講應該唔係真，因為潼潼都向我答過幾個唔同既答案)。而老師都向潼潼表示老師都會掛住潼潼，而且仲有小任務需要潼潼幫手，所以都好希望潼潼番學。老師仲請我之後如果潼潼再有咁既情況，都要堅持要小朋友番左學校先，然後再交由佢地處理。
呢個學校既老師其實真係幾有愛心幾盡責，唔知發生咩事令潼潼突然間咁唔想番學，希望只係一次偶然。
另今日其實有件心既事，就係我為潼潼報左名參加學校兩個限額既興趣班都被成功抽中喇!! 好開心!! 潼潼以後可以係學校參加畫班(畫班係暑假期間潼潼自己向我提出話想學既)同芭蕾舞班喇!
潼潼已經係K2學生，基本上對學校既生活已經適應哂，而過往亦未試過咁強烈咁表示唔想番學。佢不但不停咁重複住「唔想番學」，後黎仲喊住咁﹑用懇求既語氣對我講:「媽咪，我唔想番學呀!
」我只好係佢身邊，安撫住佢。我嘗試問潼潼點解唔想番學，但係始終未能問個究竟。我一直係潼潼身邊時佢情緒稍為穩定，但係依然提住唔想番學。見情況不妙，潼潼媽唯有同潼潼一齊番學校。
番校途中，我同姐姐都有嘗試轉移話題問潼潼其它野，但係佢依然唔理會我地，只係回應一句「唔想番學」。點解突然會咁架?實在好令人擔心.... 番到學校，我同潼潼既班主任交待左潼潼個情況，請佢留意潼潼既情緒就離開喇!
到晚上老師打電話俾我，講番潼潼早上既情況。佢話潼潼最初都係有唔開心，不過後黎同佢玩左小遊戲，佢地組勝出後佢已經開心番(呢樣潼潼都有同我講)。課堂之後老師問潼潼做乜上午唔開心唔想番學，潼潼就答話因為掛住媽ME (我同老師講應該唔係真，因為潼潼都向我答過幾個唔同既答案)。而老師都向潼潼表示老師都會掛住潼潼，而且仲有小任務需要潼潼幫手，所以都好希望潼潼番學。老師仲請我之後如果潼潼再有咁既情況，都要堅持要小朋友番左學校先，然後再交由佢地處理。
呢個學校既老師其實真係幾有愛心幾盡責，唔知發生咩事令潼潼突然間咁唔想番學，希望只係一次偶然。
另今日其實有件心既事，就係我為潼潼報左名參加學校兩個限額既興趣班都被成功抽中喇!! 好開心!! 潼潼以後可以係學校參加畫班(畫班係暑假期間潼潼自己向我提出話想學既)同芭蕾舞班喇!
2011年9月11日 星期日
2011中秋節
每年中秋節屋苑都有活動，夜晚會有好多人到樓下玩，好熱鬧。往年因為要到嫲嫲屋企食飯做節，番到屋企時已經好夜，所以潼潼未必有得玩。不過今年唔同喇！嫲嫲上黎我地屋企食飯，我地食完飯就可以落去樓下玩。潼潼都好心急，一食完飯就係咁催我地落樓。
潼潼有得落去玩好開心，係咁跑係咁跑。自己拋螢光棒波波自己追，樂在其中，反而係潼潼媽見到佢自己一個玩感覺蠻可憐．．．
後黎潼潼都搵到ｄ小朋友同佢一齊玩，不過潼潼太自我，都係未識得同其它小朋友一齊玩。最後仲因為背住螢光棒蝴蝶既潼潼被其它小朋友叫作「蜜蜂」而唔開心喊起上黎添！我嘗試安撫潼潼不果，唯有帶潼潼離開，最後仲俾爸爸教訓一頓，不歡而散。
好彩潼潼番上樓後已經無乜事，亦可能其實佢都已經好攰，之後都好快訓左喇！
潼潼，雖然你被爸爸教訓而喊左好一陣子，但中秋節既晚上，希望你依然睡得甜罷！
舞蹈學校大匯演
終於到左大匯演既日子，地點係屯門大會堂。嘩~~ 去到屯門..... 其實幫潼潼報大匯演時學校都未決定到地點，早知要去到屯門咁遠就唔參加喇！
呢日要十二點半去到屯門大會堂集合，之後就係綵排同表演，潼潼無時間食野，所以一定要早少少去到俾潼潼食左野先。不過原來爸爸研究巴士路線時又出現錯誤，攪到我地好趕呀! 好彩都順利用超速食野﹑換衫同化妝。
雖然我（唔計爸爸）係好期待潼潼今次既表演，不過一如上次既比賽一樣，小朋友整體表現都係麻麻。不過能夠見到潼潼企係台上，作為媽媽的我都依然係開心既。
經過上一次比賽既經驗，其實潼潼媽好唔放心將小朋友交俾學校照顧。好彩今次演出至中場休息既時候已經可以接番小朋友走，小朋友仲有小禮物添。
今次匯演無論地點﹑流程﹑舞衣等都好遲先confirm到，潼潼媽基本上對呢間學校已經失哂信心。呢次表演之後，都唔知仲會唔會有下次。
今次匯演無論地點﹑流程﹑舞衣等都好遲先confirm到，潼潼媽基本上對呢間學校已經失哂信心。呢次表演之後，都唔知仲會唔會有下次。
2011年9月10日 星期六
....... （一心諗住教佢數數，收咭點教呀？）我呢度唔收咭架！
2011年9月6日 星期二
新鞋?
開學了。
因為之前既番學鞋舊喇，而且潼潼腳亦大左，所以開學前幫潼潼買左一對白波鞋﹑一對白皮鞋。尋日係著運動裝，著波鞋番學，今日第一日著新皮鞋番學。
「找不同」 - 有無發覺兩隻鞋有咩唔同?
講到咁白，都應該睇到卦?係呀! 第一日著番學已經甩左個小扣飾。
唔好以為間鞋鋪賣既鞋太兒嬉，查實上學年買俾潼潼既鞋都係同一命運。唉! 呢個囡有時真係幾男仔頭，鐘意跑跑跳跳，好多時d鞋都好快俾佢著到d飾物甩哂﹑鞋面花哂! 我地已經好有經驗咁揀d無乜款式既鞋俾潼潼，免得加重對鞋既傷勢，點知結果都係難逃一劫。個囡為左掩飾自己既「惡行」，仲要好漫不經心咁話：「都唔係好緊要唶！都無辦法架！」
除左甩左個鞋飾，其實對鞋仲著到鞋頭黑蚊蚊。不過就俾爸爸捉住要潼潼自己抹番乾淨，如果唔係仲難睇呀!
2011年9月4日 星期日
暑假最後一繫 - 遊朗豪妨
大部份學生係9月1日已經開學喇! 不過潼潼學校就9月5日先開課。潼潼既幼稚園9月1日同9月2日係K1開學，因為K2同K3都未開學，所以就可以撥多D老師去K1既課室幫手照顧初入學既小朋友。其實我覺得呢個安排都幾好幾細心。
暑假最後一個星期日，我地去左旺角SHOPPING，順便同潼潼行下朗豪妨。
下午茶係潼潼最愛既西多士，平時可以一個人食哂整份。不過唔知係咪今次太大份，竟然食唔哂!
跟自己星座影相。
暑假終於完結喇! 早D番屋企抖足精神聽日開學喇!!!!
訂閱：
文章 (Atom)