上一次參加朋友女兒 - 津津既生日派對係兩年前既事。今年再參加津津既五歲生日派對。
無點樣影過相，一黎因為潼潼成日走黎走去，而且佢都唔係好鐘意俾我地影相咁 (好似嫌我地阻住佢玩咁)；二黎怕有點喧賓奪主，好似將自己個囡當中主角，唔係好意思。
雖然係津津既生日派對，不過潼潼都收到唔少禮物。分別係主人家花心思安排既小禮物同派對遊戲中所獲贈既禮物。
潼潼最喜歡既當然係手上既KERORO彩繪，最攪笑係連沖完涼都仲可以KEEP到隻KERORO無俾佢洗濕。當然，我地都同潼潼講好只俾佢KEEP一晚，第二日要洗。
仲有其它小禮物。
潼潼一直病，葯水同糖點抉擇呢?還好，潼潼都唔算為食，成日都會話「我咳，唔食得呀!」，「我咳，要飲多D水!」
最緊要潼潼玩得開心! 我自己都掛住玩, 所以無乜影相.. 我仲懶到而家都仲未寫blog, 哇哈哈 買小禮物真係頭痛, 唔知小朋友鍾意d咩.
回覆刪除唔記得左多謝你地一家比面, 抽空黎到津津生日會! 招呼唔到, 真係唔好意思!
回覆刪除[版主回覆03/26/2010 13:52:00]唔駛咁客氣，多謝你邀請就真，都係小朋友一齊玩唶，
好高興認識你同潼潼, 潼潼好可愛呢!
回覆刪除[版主回覆03/26/2010 14:03:00]多謝你陪潼潼玩得咁開心就真啦。我呢個懶惰媽媽都只係坐埋一邊咋。