今晚放工番到屋企時，潼潼係度洗手，原來佢剛打翻左湯。又係爸爸訓話既時候喇！
爸爸叫左潼潼埋黎，要佢雙腳企好，雙手放後面。我見潼潼好似係學校入面受罰既學生咁，端端正正咁企係爸爸面前，覺得幾攪笑。
爸爸：潼潼知唔知自己做錯乜野？
潼潼：知！
（潼潼媽心想，你次次都話「知」架啦，最後咪又係亂答。好似你問佢有乜唔岩，佢會答番你：潼潼唔岩）
爸爸：咁你講你做錯左乜野。
（潼潼媽一心諗住聽下潼潼今次又亂答ｄ乜野）
潼潼停左一陣：我倒瀉湯。
潼潼終於等到正確答案喇！
沒有留言:
張貼留言