無聊亂問

之前都講過潼潼呢排好鐘意打爛沙盤問到篤的無聊問題。

3月7日晚上，潼潼媽等外賣等得耐。

我：都係沖左涼先喇！

潼潼：沖完涼做乜呀？

我：沖完涼食野囉！

潼潼：食完野做乜呀？

我：食完野睇電視！

潼潼：睇完電視做乜呀？

我：睇完電視訓覺！

潼潼：訓完覺做乜呀？

我：訓完覺起身！

潼潼：起身做乜呀？

我：起身食野！

之後？我都唔記得答到去邊，跟住入左洗手間，姐姐續答，然後以潼潼一句口頭譂「唔係呀嘛？」結尾。

潼潼呢排成日提住迪士尼樂園，3月20日中午潼潼大解時：

潼潼：迪士尼樂園係邊呀？

我：係東涌。

潼潼：東通係邊呀？

我：係大嶼山。

潼潼：大嶼山係邊呀？

我：係西面。

潼潼：西面係邊呀？

我：西邊係你左手邊。（哈哈~ 好壟統既答案) 你左手係邊呀?

潼潼亂指佢大脾。

難得有個傻媽陪佢一齊傻，答埋D傻答案。