吳老師要離開學校,潼潼媽特別為潼潼準備左一張咭送俾吳老師。
咭已經送左俾老師但係唔記得影番張相留念,唯有後補番咭入面既內容。
上面既圖片打印出黎後貼左係卡入面。
潼潼媽由右下方﹑細至大的畫上心心圖型,心心圖型再由潼潼貼上顏色,而最大一個心型就框住左上角既潼潼,彷彿由潼潼送上熱吻。信封面亦有由潼潼填色既花花,同埋潼潼亂畫既太陽。
吳老師只係做到上星期。潼潼星期一請病假,連埋今日過左兩日無吳老師既學校生活,但係潼潼依然無乜異樣。 問佢有無卦住吳老師,佢爽快答話:「無呀!」呢個小妮子真係無乜心肝......
晴晴之前由舊學校轉讀新學校,LAST DAY個日,晴晴媽我都好唔捨得間學校同埋啲師生,有幾下都有啲眼濕濕。不過晴晴既表現又係同潼潼一樣,無咩特別,仲話想快啲返新學校。
回覆刪除[版主回覆02/05/2010 14:00:00]可能佢地仲係處於自我意識極強的階段。