2010的年初一

今年年初一係星期日，而且要去拜年既地方比往年少，所以我地俾姐姐放假，只有我同潼潼爸帶潼潼出去拜年，因此行裝盡量簡便，連相機都無帶，無相影。

潼潼三歲喇！大個囡，拜年都叻女左，見到陌生人都肯叫人，同人拜年。而潼潼既賀年說話就個個都一式一樣：恭喜發財，身體健康，年年有餘。「年年有餘」我無教過佢，唔知係咪係學校學既呢？番左學係唔同d既，起碼唔駛我教都知咩係「全盒」同「揮春」，不過佢就成日叫左做「春揮」。 今年我地仲有個潼潼做既吉俾我地「擲」年添。