可能潼潼媽係潼潼心目中,唯一比姐姐優勝之處,就係我會講故事。以下係潼潼對姐姐既連珠炮發。
「你唔識講故事呀!」
「我都識講故事!我識講「食飯」(其中一個以「午飯」為主題既故事)!」
「你唔識講故事呀!我識講bear bear熊(都係以上故事系列既主角)!」
期間姐姐亦有回應「咁你講俾我聽囉!」但潼潼無理會,只係自說自話繼續「指責」姐姐。
*****************************************************
潼潼有咳,唔可以食糖。唔知D咩「替代」心理,硬要叫人地食糖。
「你無咳呀!你食得糖」
然後係都要逼人食糖,潼潼媽順應潼意,接左粒糖應左聲「多謝!」
潼潼指住潼潼媽對姐姐講:「佢好乖呀!佢講多謝!」
「你唔乖呀!你都唔講多謝!」
姐姐聽到無奈地笑:「係咩?我都有講呀?」
姐姐連自己有無講過多謝都唔記得,無從反駁。
*****************************************************
對於被潼潼多番「指責」,姐姐只有嘆句「死火喇!」(指潼潼而家識話番人轉頭)
沒有留言:
張貼留言