遊公園

今日帶潼潼去公園玩。

潼潼：唔係咁樣，你睇下個公仔，係咁樣先岩呀！

 

唔知潼潼幾時學識爬呢D攀爬架。

潼潼媽：喂！跌死呀！

潼潼：邊個話跌死架？

跟住自己爬番落黎。唔係跌死．．．．　係激死就真。

傻家庭

影乜野?

其實係企係扶手電梯下，望住上面既反映自拍。

露營燒野食

露營遊戲真係好受小朋友歡迎，潼潼媽細個果陣都鐘意玩啦。

我同潼潼玩過一次，同佢係入面玩燒野食，跟住佢就識得叫我再整「燒野食」俾佢玩喇！

潼潼好享受佢自己既私人空間呢！

厚德村的聚會

講少少歷史。

調景嶺寮屋區本住著國民黨難民。到了1996年，寮屋區被清拆，大部份的調景嶺的居民亦遷往坑口厚德邨，但每逢週末的晚上，這些調景嶺原居民仍會在厚德邨內聚腳談天，以此重尋昔日平房區時的生活。

佢地每個週末晚上都會係度唱歌跳舞，都幾高興架。

 潼潼又黎湊下熱鬧先。

厚德村的週末聚會

講少少歷史。 調景嶺寮屋區本住左一d國民黨難民。到了1996年，寮屋區被清拆，大部份的調景嶺的居民亦遷往坑口厚德邨，但每逢週末的晚上，這些調景嶺原居民仍會在厚德邨內聚腳談天，以此重尋昔日平房區時的生活。 佢地每個週末晚上都會係度唱歌跳舞，都幾高興架。 潼潼又黎湊下熱鬧先。

最完整的句子

同潼潼去完芭蕾舞試學之下，我地就去食野。

由於出門時太趕忙，所以所有潼潼平時用既隨行物品都無帶。

食野時潼潼嚷著要戴口水肩。

潼潼媽：我地無帶口水肩呀！

潼潼：你打電話俾姐姐叫姐姐拎番口水肩俾我丫。

我有點愕然，最主要係呢句係我聽過潼潼講既最完整﹑最長﹑最能表達到佢自己意思既句子，另一方面潼潼亦講得出一個解決既方法。

哈哈~ 我要求真係低，只係一句簡單既句子，就咁高興。

創作大師

潼潼係創作大師，有時自己亂咁講火星話，嗡一餐無人知佢講乜，相信佢自己都唔知自己講乜;又會亂哼一d音同詞，又係唔知佢唱乜。

今次改歌詞同亂講賀年祝福語。

跟醫生做朋友

潼潼每到夜晚訓覺既時候都咳得犀利，今晚又再同佢去睇醫生。（3個月以黎，已經係第6次睇醫生)

去到診所潼潼熟練的拎玩具玩；熟練的一馬當先，走在最前，經過登記處走到醫生房；熟練的將圓凳推到醫生面前坐低，仲好大聲咁同醫生say hello。

連醫生都話：好似好熟架步咁喎！

唉............ 第二樣有咁醒就好，睇醫生呢樣野唔駛咁熟練卦?

大頭佛

逛康山吉之島，在店裡見到呢兩個大頭佛面具，潼潼戴上好攪笑。

偷食 (私人網誌)

為左誰護爸爸既尊嚴，呢篇網誌設定為私人網誌。

星期五(2月19日)晚上，潼潼咳得厲害，姐姐打趣問潼潼係咪偷食雪糕。從而我地提到爸爸係屋企偷食煙既問題，當時只係我同姐姐兩個傾計咁傾。

星期六早上，潼潼又咳。

姐姐：係啦！潼潼偷食雪糕囉！

爸爸：係咪？有無偷食雪糕？

潼潼：你偷食煙呀！

爸爸：

冷不防被潼潼反攻，爸爸傻笑，呆住，唔識答話。

潼潼再進逼：你食煙呀！你有食煙！

爸爸依然未及反應，潼潼重複左幾次話爸爸食煙。

爸爸：緊係媽媽又打毒針啦！

哈哈~ 爸爸~ 唔關我事架！我無諗到我地個囡真係咁大個囡喇嘛！

 

年初四上學記

呢日係年初四，潼潼媽唔駛番工，不過都係七點半起身，因為準備同潼潼番學。

早上天氣好凍，巿區氣溫只有八度。可能太凍，潼潼叫極都唔肯起身。抱佢起身坐係度佢一樣訓得著；姐姐同佢抹面，佢依然繼續訓。好不容易先將佢弄醒。

由於天氣實在太凍，而且潼潼一直感冒未清，為免佢再次著涼，一於將佢由頭包到落腳：戴帽﹑口罩﹑頸巾﹑大褸﹑襪褲加長褲。除左一對眼睛，幾乎整個人沒有一吋肌膚暴露於空氣之中，樣子非常滑稽。

由於用太多時間叫醒潼潼，時間已經唔早，唯有搭的士番學。當的士到達學校門前，我同姐姐都不期然的驚叫出黎：「咦？」連司機亦被嚇親：「唔岩呀？唔係呢度呀？」唔係唔係！只係見到學校熄哂燈無開門唶。有點不知所措帶潼潼走，連潼潼都話：「點算呀？去第二間啦！」

原來學校新十一先開始番學，點解潼潼媽會咁大懵既呢？係喎！校曆表上的確顯示假期至到初三咋喎！再睇真ｄ．．．　咦？點解校曆表既註解上”代表公眾假期及學校假期”中刪去左”學校假期”？　我番到屋企，再拎番哂ｄ通告出黎睇，全部都無寫明邊日開學架喎！再番手冊，先發現係上一個小小的通訊。

 

貪食雪糕

晚飯後我地一齊去麥記叫了軟雪糕。

潼潼知道自己咳係唔食得雪糕。

潼潼拎住張新買既叮噹優惠咭對姐姐：「我開唔到呀！你幫我開丫！我幫你拎住丫。」

邊用眼尾看著爸爸，邊偷吃。

潼潼媽遞上雪糕，讓潼潼淺嚐一口。

潼潼指著雪糕筒解釋：「我食呢個餅呀！你食果d雪糕丫！」

潼潼好像戰戰兢兢的，慢慢的輕咬雪糕筒，卻不期然的咬了一小口雪糕。

真係唔明，而家ｄ小朋友好似天生就係咁蠱惑。