今日潼潼參加左朋友茄茄女兒 - 津津既3歲生日派對。
朋友好有心思,每位參加派對既小朋友都會收到一份回禮禮物。多謝哂!
潼潼呢?,一去到見到波就唔理三七二十一,自己一個係到執波玩,完全唔理人。
我都無佢咁好氣,唔理佢走左去搵小怡。今次係我第一次見怡怡媽一家。小怡比潼潼更似BB,好可愛呢!
原本以為今日會影好多相,而且我亦都成日拎住部相機周圍走,但係其實我無影到幾多張相,因為要同小朋友影相真係好難架。
生日會入面,曾經播出津津由出世至而家既成長照片。做左人阿媽之後,對呢方面特別感觸咁。小朋友實在大得快,當初出世既時候只係一個乜都唔會既人仔,轉眼間已經咁大個。我又再懷念潼潼剛出世既時候。
雖然今日唔會津津正日生日,不過我係度祝津津能夠每日都快快樂樂,健健康康地成長。
我代津津多謝晒你地一家抽空黎到參加PARTY! 生日禮物同祝福全部收晒, 謝謝!!
回覆刪除[版主回覆03/11/2008 13:36:00]多謝你招待我地就真啦。
小朋友真係大得好快,眨間下就一歲、兩歲.....,好咗而家有blog可以記錄低佢地成長既點滴,耐不耐睇番佢地細個時候既野,都會有一種好似係發生係好耐之前的感覺。
回覆刪除[版主回覆03/11/2008 13:35:00]而家係可以用blog記低,但係就成日擔心唔知keep到幾耐,而家都未識得幫自己個blog save番個backup
係呀, 我都覺做左媽媽之後, 見到D BB真係好有FEEL咖, 已經一年了, 次見到佢學識一樣新野, 依然都好似第一次咁開心!!! 潼潼好可愛好LADY呀, 記得要幫佢影好多好多相呀!!!!
回覆刪除[版主回覆03/11/2008 13:34:00]係呀!佢地好叻,學野好快。見到小朋友真係好令人興奮架。
潼潼媽, 潼潼叻過小怡呢. 佢平衡同埋運動方面發展得非常好呀. 希望下次可以約埋一齊出嚟玩啦. 多謝妳送比我本書呀!
回覆刪除[版主回覆03/11/2008 13:31:00]怡怡媽~ 恭喜你成為我呢個網誌既第一千個回應者。但係無獎
我無得你同意,無貼小怡d相出黎呀,有機會online先send番俾你丫。