四日復活節假期既第一日,約好左姨媽一家同舅夫﹑婆婆去粉嶺摘士多啤梨同埋遊香薰園。
第一站係中國花園士多啤梨園。
潼潼見大家係度摘啊摘,佢都摘埋一份,不過佢係摘士多啤梨葉,摘完之後仲要放埋入口添。
舅夫行到去最遠最無人既一塊士多啤梨田度摘,所以摘到既士多啤梨係最大最靚既。
不過賣單找數果陣,佢地竟然話要40蚊一磅,我之前睇過好多人都話係100蚊三磅架嘛,分別坐地起價,佢地仲夠膽話賣左幾年都係呢個價錢添。
之後就係落鶴藪既香薰園。呢度設施都唔錯,可以餵羊﹑餵錦鯉﹑撈金魚,又有兒童遊樂設施,岩哂小朋友。而且仲可以燒野食,見到有得燒乳豬添呀。
最後我地就去埋雲泉仙館食齋,附近環境都幾靚架。今日節目真係豐富喇!最緊要係大家都玩得開心嘛!
d士多啤梨真係好令好大粒~~
回覆刪除潼潼好似好鍾意~~//"