小出血

搬左入黎將軍澳大約三年，係呢區既活動範圍只限於坑口同寶琳，其它地方完全唔認識，所以今日爸爸提議到尚德走一趟。

到左尚德一帶，感覺同普通屋村無乜分別，無乜野睇，商場亦都唔吸引。後黎去到將軍澳商場之後就比較好一d。我地行左大半日，其實無乜收獲，最大收獲係潼潼。睇下！有新鞋﹑衫仔﹑口水肩﹑戒片褲。條戒片褲係純粹因為圖案趣緻所以買左，暫時都未有實際用途。　最犀利既係仲有一條手環，係咪好潮呢！最後係一對會咇咇叫既平價涼鞋，40蚊左右，買黎玩下囉！

買左都唔少野呀！爸爸投訴我一邊嗌住ｄ商場無野睇，一邊係咁不停購物呢！