今日係購物日，爸爸想買魔力橋，另外仲有係買檯仔俾潼潼用既。
我地首先搭巴士落到佐敦，然後揀左間上海菜館醫肚。呢間鋪頭個老闆娘係個好喜歡小朋友既婆婆，佢都有個歲半大既孫女。佢見到潼潼都好喜歡，猛咁讚潼潼靚女，仲同我地大談湊囡經添！
之後我地落左去油麻地永安。
爸爸係一心落黎買魔力橋，可惜搵唔到，個PROMOTER話尖咀玩具反斗城見過有得賣，所以我地行完油麻地永安之後又搭巴士落尖沙咀碼頭去反斗城，順便想為潼潼睇下檯仔﹑波波池﹑車仔﹑神奇畫板．．．．嘩！！ 好多野想買呀！！！
去到海運玩具反斗城，係咁睇玩具。
可惜全部都睇唔岩心水，最後只係買左呢個波波。
潼潼每次去遊樂場都鐘意追住人地個波波，而家終於可以自己有個波波玩喇！
出街街, 好開心呀!!!!
回覆刪除佢而家出街唔呆啦喎！仲張張相都笑笑口添！
回覆刪除[版主回覆03/02/2008 23:37:00]好少少啦.. 其實都係要係好多相之中再揀咋嘛
潼潼大個左好多喎!
回覆刪除[版主回覆03/02/2008 23:38:00]潼潼：緊係啦！我大個囡啦嘛！我一歲架喇！