今日係購物日，爸爸想買魔力橋，另外仲有係買檯仔俾潼潼用既。
我地首先搭巴士落到佐敦，然後揀左間上海菜館醫肚。呢間鋪頭個老闆娘係個好喜歡小朋友既婆婆，佢都有個歲半大既孫女。佢見到潼潼都好喜歡，猛咁讚潼潼靚女，仲同我地大談湊囡經添！
之後我地落左去油麻地永安。
爸爸係一心落黎買魔力橋，可惜搵唔到，個PROMOTER話尖咀玩具反斗城見過有得賣，所以我地行完油麻地永安之後又搭巴士落尖沙咀碼頭去反斗城，順便想為潼潼睇下檯仔﹑波波池﹑車仔﹑神奇畫板．．．．嘩！！ 好多野想買呀！！！
去到海運玩具反斗城，係咁睇玩具。
可惜全部都睇唔岩心水，最後只係買左呢個波波。
潼潼每次去遊樂場都鐘意追住人地個波波，而家終於可以自己有個波波玩喇！
寒冷警告持續左個多月，上星期三﹑四先有好天氣，陽光普照，天氣回暖，一心諗住呢個星期六日帶潼潼出外玩玩兼影下相。
呢個星期六要番公司，但係兩點鐘已經走喇！本來諗住係寶康公園會合爸爸同潼潼，點知去到竟然落雨，唯有改行商場。
期間我地見到ENGLISH TIME係度擺PROMOTE，場中有迷你波波池﹑書仔﹑氣球等放係度。我同爸爸諗住帶唔到潼潼去公園玩，為左可以俾潼潼係度玩陣，就出賣自己，坐係聽個SALES哥仔係咁講係咁講。
老實講，套教材係唔錯，不過要三萬幾蚊，就算兩年免息分期，每個月都要俾千幾蚊，實在太貴喇！
之後我地又繼續周圍行，俾潼潼周圍跑佢都好開心。雖然商場依然有新年既裝飾擺設，但係潼潼就唔係太合作，再加上唔係太熟習使用部新相機，所以影唔到乜野靚相。
睇下！今次係潼潼第一次食雪糕咋！爸爸係咁引潼潼呢！
咁又無左一日假期喇。
阿嬌（鍾欣桐）在裸照風波後，在發佈會上承認自己從前「很天真很傻」。其實她也不用太自責，在這世上「很天真很傻」的大有人在。
這天我向公司請了一天假，為的是到健康院參加一個研習班，主要是探討12個月至18個月幼兒的發展。席中各位父母都非常投入，對於如何教育自己的寶貝，都把握每一個機會勇於發問。期間有父母問到是否可以在幼兒進餐時同時給他播放影碟，讓他邊吃邊看；又有父母問到兒子邊把玩玩具邊進餐，是否可以接受。他們都實在太疼愛自己的兒女了，所以做盡一切都只為滿足子女的欲求。他們這種做法，實在「很天真很傻」。
其實我也好不了多少，跟他們一樣的「很天真很傻」。竟然浪費了好好的一天假期，放棄了跟潼潼歡聚的美好時光，而參加了這個約兩小時的研習班。其中提到的如何捉進幼兒發展，又或注意事項，潼潼都已經經歷過了，而我卻現在才往上課，我也實在「很天真很傻」呢！
這天天文台錄得今年入冬以來最低氣溫 - 攝氏八度，中午的時候都更不斷地下著微雨，令人倍感寒意。今晚卻要往欣賞張學友的巡迴演唱會，而地點卻是中天地 - 一個露天表演場地。
都怪我準備不足，明知自己對表演場地的正確地點並不明確，亦不早作調查；之前往購物又誤了時間；在旺角轉乘的士往目的地時遇上交通擠塞；的士司機不知正確地點而只在圓方商場讓我們下車；到達商場後我是完全不知道可以往那裡走，演唱會時已經開始了，但仍不知自己應往哪裡走。那一刻的心情不算沮喪，沒有徬徨，並不氣憤，也不緊張，講不上迷惘，只是洩氣的站在商場裡東張西望。
後來才得弟弟致電來指示路線才找到所謂的「中天地」 - 其實還不只是個空置的場地上搭建了舞台罷了。
張學友的表現嘛？他的歌藝當然是不容置疑，而我亦很欣賞他的專業精神 - 由23歲出道，唱歌23年，現年46歲的他，仍然是衝勁十足，看他舞動著身體﹑輕易的把腳踢到頭頂的高度，真的令我佩服。
或許我們三姐弟還算是張學友的半個「粉絲」，即使天氣不好，不時下著微雨，但我們對今晚張學友的表演還是樂在其中，熱情不減。只是害了我身邊的潼潼爸，要陪我一起捱著寒風，空著肚子的觀賞表演，因此潼潼爸對這一晚的特備節目似乎一點也不欣賞呢！
手上是滿滿的，錢包卻是空空的．．．． 