唔知點解，呢排潼潼好鐘意稱呼自己做「大公主」
。係咪因為芭蕾舞老師成日叫D學生係「靚靚公主」，攪到潼潼發公主夢呢? 
呢日商場有幾個紙板公主既擺設，宣傳迪士尼三大經典故事既音樂劇。潼潼咁鐘意公主，就叫佢埋去同幾個公主影相，佢當然好樂意啦。
2010年7月27日 星期二
睡前一席話 - 27/07/2010
有時真係好想可以將我同潼潼既對話錄起。
尋晚陪佢訓既時候....
「媽ME~ 我好掛住你呀!你唔好番工啦!你同我番學啦!」
「我唔番工就無錢俾你番學同學跳舞喎!」
「爸爸番工賺錢啦! 你唔駛番工賺錢啦!」
「哎呀!你無幫我買粉紅色顏色筆呀!」
我兩個星期前已應承左潼潼幫佢買，到而家都未兌現。
「媽ME放工好夜呀! 我掛住你丫嘛，趕住番黎無買囉!」
又係潼潼話好掛住媽咪架嘛，所以我套用潼潼「掛住」一詞，諗住可以過骨
「咁你買粉紅色筆，然後搭車番黎，咁咪可以見到我囉!」
....... 仲要我同佢勾手指尾添。
「媽ME~ 買粉紅色筆同買電腦。要橙色! 唔要紫色!」
「你仲咁細個!」
「我三歲喇! 我好大個.... 好大個..... 好大個..... 好大個.......好大個...........」
潼潼呢排好鐘意用不斷重複既語句係加強自己既意思，或者佢覺得好得意。
「但係你屋企咁多玩具。」
「我咁多玩具都玩唔哂! 不如你送俾人!」
潼潼真係唔會珍惜自己既玩具。我試過話佢唔執好玩具我就掉左佢，點知佢仲幫手掉埋一份，最後D玩具係真係掉左(講得出就要做得到嘛)。真係俾佢激死!!!
開心大發現 - 汪培珽的網誌
認識汪培珽只是不久前的事，由一位家長介紹由她所著作的書「管教啊，管教」，那個時候只是對書名有印象。
今天係淘寶網又見到呢本書，原來作者仲有其它幾本著作 - 「餵故事長大的孩子」﹑「培養孩子的英文耳朵」等。睇睇內容簡介，就發現當中有佢既網誌。
http://www.wretch.cc/blog/wangpeiting
好喜歡呢個BLOG (已經在我網誌裡的書籤上)。之前已經BOOKMARK左馮德全既BLOG，不過都好少睇，或者因為說教的比較多。但係汪培珽老師(BLOG上的都係咁樣稱呼佢)好生活化，好多生活實例，所以一看已喜歡，而且已經向汪老師索取佢推介的中文繪本書單，有興趣的媽媽都快去留個言索取書單喇！
已經準備從淘寶網購入幾本汪老師既著作，好期待！
2010年7月26日 星期一
情緒控制
要控制情緒既唔係潼潼，係潼潼媽。
尋晚既講故事時間，潼潼完全唔專心，只係掛住o係我背上爬黎爬去玩騎牛牛，我講既說話佢係完全無聽到入耳。
最後潼潼媽一怒之下：「我唔講故事喇！你都唔專心聽！」
潼潼一貫的用哀求的聲音：「唔好呀！」「我都好乖食哂飯！」
潼潼媽：「我講故事你有無專心聽？你咁樣岩唔岩。」
之後潼潼仲懂得轉換話題，話自己腳痛。剛剛一秒鐘前還好好的，而家又話腳痛，但較早我未番到屋企前佢又真係痛過。真係將我攪得糊塗，唔知佢是真是假。
幫佢搓完腳，怒火未銷。潼潼向我再要求講故事既時候，我向潼潼怒目而視。
小妮子都懂得睇我臉色，目光閃躲，不知所措。不時偷偷望向我，然後又低頭不敢多說話。本來我想趁機再向佢出擊教訓，但見佢樣子怪可憐，又反而令我開始反省自己既做法。
我是向佢發脾氣嗎？這個做法正確嗎？對佢喝駡能有即時效果，但會達到長遠目的嗎？我有從孩子角度看事情嗎？呢個時刻用母親的威嚴去鎮住孩子，有尊重過孩子嗎？
一堆問題之後，我停住了。用硬蹦磞的語氣叫潼潼過黎，然後將佢抱到我腳上，再給她講故事。
情緒是控制住了，但不足的是未能即時給潼潼作出指導。或者果個時刻的我根本未有呢個能力。
訂閱：
文章 (Atom)