會跳喇!!

竟然俾我地咁巧合錄得潼潼既第一跳。

同場加映搖屁股。

看圖認物

潼潼行動力比較強，但係得潼潼媽遺傳比較差的語言能力。

現階段我唔想要求潼潼看圖識字，只要佢看圖認物。雖然潼潼平時都係太空話居多，不過係看圖認物時都能讀出唔少字詞。

哼歌仔

唔識讀字，唯有哼下歌仔先啦!

PARK HOTEL自助餐

今日係我同潼潼爸結婚5週年紀念，潼潼媽竟然忘記左，仲同潼潼爸爭辯話應該係12月4日添！　點解會記左做12月4日既呢?

買完潼潼D「益智玩具」之後已經差唔多9點，我地行過幾間食店之後，選定了PARK HOTEL既宵夜BUFFET。

BUFFET既主題係海鮮。除左有翅食，有長腳蟹，比較驚喜竟然係有大閘蟹食。呢餐豐富喇，潼潼媽幾乎只係食海鮮，不過為左擔心海鮮唔飽肚，所以加左塊薄切西冷。塊西冷都唔錯，有潼潼媽鐘意既牛羶味。

到差唔多食完，潼潼媽見出面都無乜長腳蟹剩，潼潼爸就幫我問下仲有無長腳蟹，個侍應幫我地問完番黎話大約等15分鐘。過左好一陣了，都未見佢有再FILL，咁潼潼媽就唯有轉攻甜品。點知食食下個甜品既時候..........

唔係呀嘛?!?! 乜佢真係整隻長腳蟹捧上黎呀? 我已經好飽喇喎!!!!!!

最後我同潼潼爸好努力咁將隻長腳蟹KO左(主要係潼潼爸負責)，不過大家都食到好飽好飽!!!!

呢餐賣單連貼士係$330，呢餐一定值回票價啦。

益智玩具特賣場

潼潼媽又買左圖書俾潼潼。

老實講，潼潼既圖書確實已唔少，早前姨媽在家選左廿多本書轉送俾潼潼呢！但係潼潼媽見到話星光行有益智玩具特賣場，所以又過左去睇睇。去到原來主要都只係賣圖書同光碟。最後揀左４件俾潼潼。

呢盒係一套玩泥膠既工具。

喜歡佢有埋一D簡單既製作示範

然之後有呢本「手袋」書，岩哂貪靚既潼潼。入面放仲好多手袋入面會放既物件。平時可以俾潼潼帶出街，無野做果陣可以拎黎玩下，唔好剩係顧住啜手指。

然後仲有兩本書，一本講顏色，一本講圖形，兩本入面都有好多少機關。例如拉扯公仔，掀開紙頁，同埋唔同質感既圖畫等等。

潼潼媽對今次收穫非常滿意，希望潼潼會喜歡啦!