係迎月日，住緊個屋苑都攪左個賀中秋既節目，有猜燈迷，有小丑表演。不過對於潼潼黎講，呢d節目都無乜意義。最重要係潼潼今晚都有份上台表演 - 飾演「路人甲」一角。
2008年9月9日 星期二
記「仇」?
一直以為小朋友是最不記仇兼最寬宏大量的。但係．．．．
昨晚潼潼搗蛋玩燈掣既時候，潼潼媽將潼潼抱到爸爸面前。潼潼怕爸爸，爸爸未有重責潼潼已經大喊起上黎。潼潼最叻撒姐姐嬌，於是又係度扭計要姐姐呵，我卻將潼潼抱入房要佢訓覺，點知入到房見到爸爸又喊餐飽。最後都係要姐姐陪佢先訓覺，潼潼媽同佢講goodnight佢都擰願背唔啋。
到半夜仲訓訓下喊醒要搵姐姐添。
以為事情就咁樣過去，點知今晚放工番屋企，潼潼竟然見到我就調頭走，硬要黐住姐姐，連我撩佢玩佢都唔理。我用盡方法，駛出絕招 - 高科技產品：電腦同攝錄機，先引到潼潼肯啋下我。
一直以黎，潼潼都表現得好「有性格」，有時你強逼佢做某d事情，用盡方法利誘，佢都唔會做。可以調教嗎？我覺得好似今晚呢種「高姿態」既表現，絕對唔係大人可以教出黎，要佢真係記得你曾經「出賣」過佢先可以。
睇黎要調教既可能唔係潼潼，而係要調教自己。我地對潼潼既教導方法，似乎不能用硬功的了。
2008年9月7日 星期日
大角咀體育館playroom
岩岩一期既baby-mo雜誌有介紹公共playroom，睇完之後覺得幾正喎！即刻上網搵資料，睇下最近屋企既playroom係邊。不過我發現香港政府d野都好神奇，d康樂設施全部位置偏遠，一d都唔便民。
星期日番北角同屋企人飲完茶，就諗住近近地去渣華道果邊既playroom俾潼潼玩下啦。點知去到見到非常失望，入面幾乎只係一大片空地俾小朋友走黎走去，無乜設施。
o係我同潼潼爸商量完之後，把心一橫，去全港最大既公共playroom - 大角咀體育館既兒童遊戲室。
我地搭港鐵去到奧運站，然後就步行過去，都要差不多15分鐘。長途拔涉咁過到黎，見到個playroom真係好正喎！可惜原來個playroom只可以俾25位小朋友入去玩。我地去到已經滿哂額，要等下一場。真係好無奈，走又唔係，唔走又唔係。 見到個playroom咁吸引，真係唔捨得走，而且我地仲要係專程而黎，咁樣黎到又走真係好唔抵，所以都係決定排隊等。
不負眾望，潼潼係個playroom入面真係玩得好開心呀!!潼潼爸見潼潼玩得咁開心，仲同潼潼連續玩足兩場。潼潼媽投降喇..... 
潼潼爸話值得再去 (不過初初話要等果陣又唔係咁講既
)。
不過我地下一站將會係香港中央圖書館入面既「玩具圖書館」
潼潼連叫「媽媽」都少左喇！
訂閱：
文章 (Atom)