K2散學禮

又係一個期待既日子 - K2散學禮。

點解咁期待?因為散學禮有表演睇囉! 今次學校散學禮既主題係「化粧舞會」，而潼潼一班係揀左「非洲歷險記」黎表現。不過可惜既係，爸爸今次要加班，無辦法參加今次散學禮 ; 亦好遺憾，無左爸爸既協助，呢個媽媽係「攝」唔到位 + 唔夠高 + 眼盲搵唔到阿囡既情況之下，係唔能夠錄到阿囡既表演情況。

散學禮除左表演項目，仲有頒獎，潼潼今年係得禮貌獎。

跟住仲有遊戲及抽獎，學校真係好肯花心思，好好玩。抽獎禮品真係好多份，我同潼潼一直都好緊張幫手叫名，但係一直都抽唔中。不過我都好欣賞潼潼，即使只係其它同學仔抽中，佢都會替人開心。

去到最後開始抽最後三份大獎，居然抽中潼潼! 真係好開心呀! 潼潼媽未試過咁LUCKY，阿囡你係得既。