扮死

潼潼媽都幾無聊。

今日下午同阿囡係房玩玩下，突然醒起間唔中會有d新聞，講關於小朋友點樣機警， 係有需要時報警求救，最後救左家人。於是我就玩玩下訓左係度「扮死」 

阿囡係咁叫左我好多聲，我都訓係床度唔郁，想睇下佢會有咩反應。

點知阿囡抬起我個頭(我都要配合自己抬高個頭)，幫我墊個枕頭，然後蓋被，將陪佢訓既micky放係我身邊，開埋睡前音樂，然後就訓係度身邊同我一齊訓。原來佢以為我訓左。

 雖然呢個唔係我預期想知/想見既結果，不過見到阿囡咁體貼我都好開心既。