雖然天氣報告話天氣唔係咁好,會落雨,還好去到第一日只係天陰。
今次算係潼潼第一次正正式式同我地「外遊」,到達酒店房間,見到張大床已經開心到不得了,o係大床上雀躍地跳 - 就好似潼潼媽細個第一次同屋企人去旅行(只係澳門)一樣,三姐弟一齊床上跳。當時我係升小六,應該十一歲?才第一次出外旅行。
放好物件我地就去嘉輝會。雖然比較有意義既陶藝製作同士多啤梨園都無開,但呢度要景有景﹑要玩有玩,要求唔高的話都算唔錯喇!
入面有個小型動物園,不過都幾頹.... 只係有d禽鳥類﹑小動物,但係潼潼已經嚇得不得了,連相都無影。 計
仲有其它玩意,全部都逐項收費,不過套票平左,而且出黎玩,所以都無計,樣樣都俾潼潼試﹑俾潼潼玩。當然機動遊戲唔敢亂黎,爸爸睇過覺得新淨﹑安全先敢俾潼潼玩。睇下,個袋鼠彈彈得潼潼一個玩咋!
花海幾靚,好多新人係度影相。
玩完食完,番去洗白白浸浴缸,潼潼又再興奮。因為平時家中只有企缸,今次係佢第一之浸浴缸,傻妹話好似浸溫泉。
第二日已經落雨,好彩之前一日已經玩左嘉輝會,呢一日出番深圳大型商場,食飯溜冰,跟住就回程番香港喇!
我有一兩小孩同行(6&8歲)嘉輝會適合嗎?
回覆刪除冇包車點去?請教路!
[版主回覆07/21/2012 00:15:54]係羅湖口岸有專車去嘉輝會。你是團購嗎? 佢地有專車既時間表。