潼潼媽溜冰

大件事喇！！潼潼媽去溜冰！！

溜冰唶..... 有幾大件事? 大件事在我之前都講緊絕無一點運動細胞，運動項目無一樣精。呢次係我做左幾十年人第三次溜冰? 第四次溜冰? 肯定阿囡已經落場多過我啦! 你話而家d細路幾幸福呢!

今次係潼潼第五次溜冰喇! 依然係踏步地走，但好快又一圈走番嚟。仲經常係我身邊碎碎唸，提醒我學溜冰要跌，仲話要幫我跌添! 所以我真係好怕佢，又怕自己跌親會撞倒佢。

不過潼潼媽都算係咁咯(認叻)，之後都可以自己慢慢踏完一圈又一圈，無跌過架!