愉景灣沙灘獵蛋奇兵

今年復活節潼潼媽終於記得幫潼潼報名參加愉景灣既掘復活蛋活動喇 !

未開始前俾潼潼落沙灘熱下身先。有無發覺潼潼比起之前去沙灘開心左好多呢? 知唔知點解?

發現到未?因為幫潼潼買左對新水鞋應戰呀! 無沙入腳，潼潼玩得放心好多。哈哈~ 都唔知好彩定唔好彩，今日有少少雨，潼潼著水鞋都唔會太礙眼。

因為我地太懶豬，所以幫潼潼報左下午四點半果場，咁我地就唔駛咁早起身。  好彩咋! 因為上午都有落雨，反而下午雨停左。

開始喇~~ 掘呀掘呀!!!! 唔係叫潼潼呀! 係爸爸努力掘呀~~~ 潼潼? 作狀影下相算啦!

成績如何? 全靠爸爸出碼，我地掘到16隻復活蛋，可以換16件禮品。其中抱括兩樽美祿，真係拎死...... 仲有D奶粉好彩爸爸寧願唔要咋。

掘完蛋再係附近玩下沙﹑玩下攤位遊戲。

玩到大家都好肚餓，好彩見到有試食。雖然只係一片方包加朱古力/原味煉奶，不過呢個時候，呢塊方包已經變成美食。

最後用埋100蚊COUPON買左呢兩盒小手工，只係補番$15，爸爸話當堂抵番條數。

番到屋企...... 兩個大人散哂............................................