遊九龍公園

復活節假期玩左頭兩日，尤其經過尋日既沙灘掘蛋活動，我同潼潼爸都散哂。原本爸爸打算尋日帶潼潼去放風箏，但最後都要取消，只係屋企附近個小公園待左半天。

尋晚潼潼媽掛住寫blog到深夜，今晨又早起，加上夜晚又要再出去尖咀欣賞張學友既演唱會，所以潼潼媽今日下午缺席左同嫲嫲既聚會，留係屋企休息。

潼潼呢日去左九龍公園玩，佢玩得好開心呀！唔可以係現場分享到潼潼既喜樂有點可惜，不過都唔該哂爸爸，幫潼潼影左唔少相番黎俾我睇。

愉景灣沙灘獵蛋奇兵

今年復活節潼潼媽終於記得幫潼潼報名參加愉景灣既掘復活蛋活動喇 !

未開始前俾潼潼落沙灘熱下身先。有無發覺潼潼比起之前去沙灘開心左好多呢? 知唔知點解?

發現到未?因為幫潼潼買左對新水鞋應戰呀! 無沙入腳，潼潼玩得放心好多。哈哈~ 都唔知好彩定唔好彩，今日有少少雨，潼潼著水鞋都唔會太礙眼。

因為我地太懶豬，所以幫潼潼報左下午四點半果場，咁我地就唔駛咁早起身。  好彩咋! 因為上午都有落雨，反而下午雨停左。

開始喇~~ 掘呀掘呀!!!! 唔係叫潼潼呀! 係爸爸努力掘呀~~~ 潼潼? 作狀影下相算啦!

成績如何? 全靠爸爸出碼，我地掘到16隻復活蛋，可以換16件禮品。其中抱括兩樽美祿，真係拎死...... 仲有D奶粉好彩爸爸寧願唔要咋。

掘完蛋再係附近玩下沙﹑玩下攤位遊戲。

玩到大家都好肚餓，好彩見到有試食。雖然只係一片方包加朱古力/原味煉奶，不過呢個時候，呢塊方包已經變成美食。

最後用埋100蚊COUPON買左呢兩盒小手工，只係補番$15，爸爸話當堂抵番條數。

番到屋企...... 兩個大人散哂............................................

到深井朋友家

今日帶潼潼到深井探一位相識已久既網友小衰。我未結婚時已認識小衰，到而家個潼潼都四歲大，時間過得真係快。

朋友搬左去深井住大半年，今次先係第一次去佢屋企探佢。佢屋企附近環境都唔錯，望出去係海，好舒服，行過少少已經有個小沙灘。

個衰妹係人地屋企無耐就好唔客氣咁係咁嗌悶，於是就帶佢落沙灘行下。

潼潼除左歲幾果次落沙灘時未識驚，大勇咁走出海邊之外，之後兩年，直到而家都仲係咁怕沙。今次去沙灘，最初都係要我抱住，跟住拖住，然後嘗試慢慢行。

其實之前我都有同潼潼講一d關於去海灘玩既故事，所以潼潼對於玩沙並不抗拒，只係唔鐘意有沙入腳。於是先由遊戲開始，俾佢係沙上寫下字，執下貝殼，掟下石仔。

其實係小朋友未可以好好執好筆之前，俾佢地嘗試下沙上面寫字係一個好好既寫字練習。

難得地係沙灘上見到既笑容。哈哈~~

不過後黎潼潼俾衝到腳邊既海浪嚇親，今次沙灘之行到此為止。都係去番遊樂場玩好d。

多謝朋友小衰既招待，我地晚上去裕記食完晚飯之後再去發記食甜品，好滿足呢!

潼潼@CHARLIE BROWN CAFE

潼潼黎接媽me放工，行下商場，食埋飯，準備走都十點幾喇! 經過charlie brown cafe，潼潼仲係興致勃勃，好啦! 見聽日假期，就帶潼潼上去坐下影下相兼食件cake啦!

眾多蛋糕中，潼潼揀中左呢個charlite brown。

見到呢個lucy既生日蛋糕，我諗無邊個女仔小朋友唔鐘意，不過貴到不得了，影張相好喇!

番到屋企都十一﹑二點，我同爸爸都好攰喇，不過潼潼仲係好精神，追住我地玩踩影子既遊戲，不過我已經跑唔郁喇囡..........

OL潼潼

工人姐姐放大假兩星期番家鄉，爸爸就請左三日假負責湊潼潼。o係復活節假前既呢一日，就帶埋潼潼黎接媽me放工喇！

以前潼潼細個果陣耐唔耐都會黎媽me公司接埋媽me放工之後去街街，不過而家要番全日班就少黎左好多喇! 今日黎到公司已經好夜，大部份同事都走哂lu。潼潼影番張相扮下OL先。

之後又化身成廣告女朗?

春天來了

樹葉長新芽，這是我最喜歡的翠綠。

在商務的收穫

呢日見到潼潼平時好鐘意睇既一系列圖書做緊特價 (其實我都唔明點解阿囡會鐘意睇呢類訓示式既書)，原本$23一本 (好貴啊.... 咁薄都要$23)，而家$100有6本，所以就挑選左六本帶番屋企。

另外見到茄茄報料既GLASS DECO，都係做特價，所以買左。不過見入面D顏料咁細支，好自然又慳住用 (好師奶)，所以比起係冒險整果D整得無咁靚囉!

潼潼的指甲彩繪

聽日係假期唔駛番學，潼潼媽就貪得意幫潼潼指甲上畫上圖案，氹下佢開心。

本來剩係畫一隻士多啤梨，不過潼潼見到好開心，要求畫哂十隻手指。

畫功麻麻，有無人認得出係咩圖案呢？

我是好媽媽

或者係聽過D關於生BB既故事，令潼潼想做個好媽媽。

而家間唔中潼潼會講:

「我會入醫院生BB」

「我會餵BB飲奶」

「BB喊我會俾佢喊一陣」

「我會畫一幅圖畫送俾BB」

希望潼潼將來真係會做到一個比潼潼媽出色既好媽媽啦!