初嚐兒童餐

今日去商場購物行街街，經過一個餐廳爸爸已經睇中左個兒童餐，話諗住夜晚係度食飯俾潼潼試下。

潼潼第一次自己一個人食一個兒童餐好興奮呀! 一邊食一邊不停咁話好好味，仲食得好快好乾淨添。

呢間餐廳有d甜點，全部都係細細件，於是爸爸又俾潼潼自己點一樣甜品。唉..... 最後潼潼又係俾d卡通呃左囉! 好多唔同蛋糕都無揀，竟然揀左個米奇樣既啫喱。

我地要潼潼自己同侍應哥哥「點菜」，個哥哥故意逗潼潼，問潼潼果個係咪hello kitty啫喱，好彩潼潼都夠膽答人，同個哥哥傾左幾句。

潼潼自己「點完菜」好興奮，我同潼潼爸見到佢古靈精怪d表情真係俾佢笑死。