今日早上又同潼潼玩呢個猜位置既遊戲。
首先將一粒糖放係幾個小道具中既其中一個,係佢面前互調位置,要佢揀番藏有糖果既道具出黎先有糖食。
呢個遊戲最初潼潼玩得好差,或者係因為佢唔專心,不過而家已經玩得好左好多。可惜,係潼潼媽加強難度既情況下,今次估錯左喇!
潼潼知道自己無得食就話:我俾媽媽食。
之前都試過,佢估錯無得食,就扮哂野話俾爸爸媽媽食。
拆好粒糖出黎,潼潼媽正準備接過粒糖既時候,潼潼已經好快手咁將粒糖放入自己口入面。
呢個衰妹真係越黎越古惑,而家仲係古惑加上講大話添。
沒有留言:
張貼留言