好耐之前潼潼有本繪本叫「雞蛋哥哥」，入面既插圖好簡單，但係潼潼就好鐘意。其實插圖簡單有樣好，就係主體夠集中，唔會分散小朋友既主意力。
「雞蛋哥哥」系列繪本其實一套係四冊，潼潼只有其中一冊。我見潼潼咁鐘意(大約歲半果陣俾佢睇，無睇一排，拎番出黎同佢講佢一樣咁喜歡)，打算上網訂埋其餘三本。不過爸爸話怕上網訂會有假貨，最後自己走左上深圳幫潼潼搵書。
呢D係俾潼潼既，可惜買唔到雞蛋哥哥。不過呢幾本書都好適合小朋友，但係唔明點解係香港反而好難搵到呢類書。只有晶晶出版社既比較適合，但係價錢就好貴。
插圖簡單，生活化既故事繪本，好適合潼潼呢個年齡。
跟住呢D俾潼潼媽既。蒙特梭利同卡爾威特既育兒全書入面，編排同講解都比香港買到果D簡單易明，更容易實踐。
咁多書，媽媽有排睇喇！不過潼潼D繪本... 相信好快又會睇哂!
沒有留言:
張貼留言