淘寶的星光

一室的星光

效果還可以嗎？

也蠻不錯罷！還會放音樂。

這個是最近在淘寶淘到的另一件寶貝，售價只是四十五元的人民幣，也不要要求太高罷！

壞相機疑魂

潼潼媽同潼潼爸都試過手機壓爆mon既情況：mon面係無損壞，但就睇唔到畫面，只出現一個花碌碌既圖案。

今朝潼潼媽打開相機一睇，見到呢個畫面，嚇左一跳。點解個mon會咁既?再睇前幾張相片，定一定神。

潼潼媽：爸爸！！

潼潼爸走入黎．．．．

潼潼媽遞上相機：你睇下部相機係咪壞左呀？

潼潼爸一睇：係啦！

我叫潼潼爸再睇下其它相，於是．．．．

潼潼爸一笑．．．．

你認得出佢嗎？

係呀！！就係呢排潼潼鐘意拎住部相機亂咁影，第一張就影到out foucs 既 keroro囉!！真係俾佢嚇餐死！　

做動作遊戲

其實潼潼既成長表現一直以黎都唔算特別出色，表達能力同理解能力甚至乎會比同齡既小朋友遜色。不過真係好大問題嗎？兩歲半既小朋友真係需要懂得這麼多嗎？還是呢個年代既小朋友真係過早成長呢？

可能我地好少俾潼潼睇電視，所以感覺上佢有時既行為都幾「BB」。睇下潼潼又一個人係度傻傻地邊玩邊笑，完全唔知佢做緊乜，講緊乜。

潼潼媽唔太介意潼潼表現咁「BB」，而且幾ENJOY。呢D係咪就叫做「童真」(潼真)呢？

吹火機，食蛋糕

係公司收到單張係零售同批發蛋糕，見價錢同外貌都幾吸引，所以連同其它同事訂左幾個蛋糕。

潼潼見到有蛋糕食好高興。

自便喇！

潼潼話要吹蠟燭喎！一時間何來蠟燭呢？於是爸爸拎出打火機俾潼潼吹。

琪琪

潼潼第一次見呢條全黑色連身裙時稱呼佢為「琪琪裙」。佢所指既係「魔女它急便」入面既小女巫 - 琪琪。

呢日放工番屋企見到潼潼著呢條裙......

潼潼媽：我番黎喇！琪琪！

潼潼：我唔係琪琪！我係媽媽！

呢排潼潼喜愛玩相機，無論被拍，或自己拎住部相機亂影。睇下佢，開始識得對住鏡頭古靈精怪喇！

流感家庭

齊齊患上豬流感? 非也! 只係爸爸開始感到有點疲累，懷疑自己開始感冒，以防萬一，就戴定口罩。點知潼潼見到又貪得意，要學爸爸一齊戴口罩。全晚見潼潼戴住個口罩係屋入面行黎行去真係超攪笑。

諗唐詩

兩歲係語言敏感期，七田真話對兩歲小朋友唸詩是俾小朋友知道一句一句語言的重要性與趣味性。所以我同潼潼唸唐詩。

鍾SIR話小朋友唸詩可以增加小朋友既韻律感。我更加要同潼潼唸唐詩。

不過潼潼咬字不清，又偶有錯漏，大家聽得明幾多呢?潼潼爸話我需要加上字幕。

一直以黎潼潼成長表現都唔算特別出色，潼潼識咁多唐詩亦唔代表佢特別「叻」，潼潼唔係天才。我只係想記錄低潼潼既「成績」，等將來可以回味一下。

可憐的小姐

今日帶潼潼去上堂既時候，可能訓唔夠，佢發哂脾氣，好唔合作。終於要由鍾SIR出馬整治佢。

鍾SIR要潼潼向我地SAY SORRY，但係呢位大小姐一向硬頸，雖然已經眼仔紅紅，依然唔肯就範，於是鍾SIR就話要爸爸媽媽出去，剩番潼潼係度。呢個時候潼潼終於流出兩行淚水。其實平時潼潼係屋企都成日扭計喊，我地都習慣，可以好狠心咁由得佢係房入面喊唔理佢。但係今次係課堂上潼潼表現就唔同哂，可能佢自尊心真係好強，佢唔似一般小朋友咁係度大喊大鬧，而係忍住一路都無喊出聲，只係不斷流眼淚，俾紙巾佢又自己係度唔出聲抹眼淚。睇到呢個情形，連平時見慣潼潼喊既媽媽都覺得佢好可憐。

鍾SIR話潼潼有D小姐脾氣，好多野佢肯做，但係只係唔願做。提醒爸爸媽媽俾潼潼既指令太柔弱唔夠強硬，我地兩個要係呢方面再好好調節下先得喇！仲有既係媽媽對潼潼採用TIME OUT既方法都好適合。

好!!繼續努力!我唔相信潼潼會係個討厭鬼，一定可以調校佢成為可愛小人兒既。

替媽媽拍照

這算是潼潼的第一次還是潼潼媽的第一次呢?

潼潼叫我幫佢影完相之後，又學人拎起相機要為媽媽拍照。還可以罷?!

被拍

以前潼潼對於被拍似乎好抗拒，不過大個囡開始識野，知道影完相又可以睇番，所以而家有時都肯定定俾我地影相。

朝早著靚靚準備去街前，影番張相。

夜晚又叫我幫佢影相。

唱日文歌?

大家聽得懂潼潼唱咩歌呢？

與其話唱，不如話哼。

不過我諗同潼潼同齡既小朋友無幾多個識得呢首龍貓。

爸爸同媽媽都喜歡宮崎駿動畫，況且而家好多動畫都意識不良，所以我地俾潼潼睇宮崎駿既動畫。有好幾套動畫潼潼已經看過好幾次。

淘寶買的書

終於收到係淘寶買既書喇！今次可算係大豐收，實在太興奮。今次所有既書都係俾潼潼既，全部加埋都唔駛300蚊人仔。

呢個關於「雞蛋哥哥」既故事，潼潼好細個已經擁有一本。當時覺得插圖唔靚，無乜好感。點知潼潼好鐘意，今次就買齊一套四冊。根據經驗，亦話俾各位媽媽知，小朋友睇野真係同我地唔同架。潼潼最喜愛既幾本圖書，插圖都比較簡單。我諗插圖內容豐富果D要等佢地大個D先岩喇!

書本話潼潼呢個年紀既小朋友喜愛關於日常生活既故事，所以買左以下兩套書。

小兔湯姆系列既書有兩輯，我只買左第一輯，因為覺得第二輯內容唔係咁岩。一輯6本只30元。

呢套小熊寶寶繪本，一套15冊，亦不到60元。

另外兩套教小朋友認識自己既情緒，每套四本約70元。跟書展見到的比較，很划算呢!

書本既質素都好好，實在超值。

水戰

呢個夏天有兩次帶潼潼去沙灘玩，潼潼都唔願落水。呢日潼潼去表姨屋企，同成班表哥一齊玩，表現就完全唔同哂喇!

最初潼潼都係要我地扶住企係泳池邊，點知開始有水鎗玩呢，就越玩越興奮，最後仲自己企係泳池(BB池)中心都無有怕。

個衰妹仲好快學識左點樣操控枝水鎗添！

係水底拉桿

射呀！！

向爸爸同姐姐攻擊

仲識得同表哥仔爭玩具添。

請緊握扶手

呢個衰妹，搭地鐵時（雖然已改稱為港鐵，但我仍喜歡叫番做地鐵，甚至連潼潼都依然叫地鐵我地亦都無更正佢）有位都唔坐，要企。好！就由她，順便教導佢要雙手緊握扶手。心裡面卻想：要跌就由她跌，讓佢碰碰釘也不錯。誰知個衰妹也挺穩當的。

古惑妹

今日早上又同潼潼玩呢個猜位置既遊戲。

首先將一粒糖放係幾個小道具中既其中一個，係佢面前互調位置，要佢揀番藏有糖果既道具出黎先有糖食。

呢個遊戲最初潼潼玩得好差，或者係因為佢唔專心，不過而家已經玩得好左好多。可惜，係潼潼媽加強難度既情況下，今次估錯左喇！

潼潼知道自己無得食就話：我俾媽媽食。

之前都試過，佢估錯無得食，就扮哂野話俾爸爸媽媽食。

拆好粒糖出黎，潼潼媽正準備接過粒糖既時候，潼潼已經好快手咁將粒糖放入自己口入面。

呢個衰妹真係越黎越古惑，而家仲係古惑加上講大話添。

洗白白

潼潼每次洗白白既時候總要從佢既玩具箱入面挑一堆玩具出黎同佢一齊洗白白，試過要行幾轉，差唔多成套煮飯仔俾佢執左入廁所。

今次輪到「堆沙套裝」

氫氣球

去完科學館，食飽飽，經過一間小鋪，潼潼騙來一個氫氣球。番到屋企，潼潼依然玩得雀躍。

遊科學館後 - 起死回生

累得呆了的潼潼，怎樣才能回復精靈活潑呢?

答案就在BURGER KING

這照片可以用來賣廣告嗎?

又在古古怪怪

遊科學館

潼潼媽比較喜歡閒日外出人比較少，趁潼潼未開學，特地呢日請半天假帶潼潼遊科學館。

首先到「糖果嘉年華」，在舌頭上的味蕾跳跳跳。

自己挑一粒酸酸的檸檬糖

望著鏡子嚐一嚐酸味，會替你拍下照片。

潼潼在「鏡子世界」玩得最開心

別以為潼潼媽把相片放錯了位，這的確是這面鏡子做出的效果。

看看潼潼爸的背影，你能想像這些鏡子在弄甚麼玄虛呢?

這個是必影項目

潼潼很留心的在看我弄肥皂泡。

看過照片，才知道原來潼潼當時亦有留意唔同頻率下發泡膠珠的跳動情況。

敲一敲銅鑼

磅磅重

才25磅

試一試架駛飛機

仲有汽車

三點玩到六點，無訓過午覺，走的時候潼潼呆了。