潼潼發起脾氣上黎，其實真係唔野少架!
幸好熄機再開之後無事唶！
2009年3月21日 星期六
花卉展2009@維園
呢日帶左潼潼去花卉展，不過一如以往，潼潼唔係咁鐘意影相，所以潼潼媽好快就放棄左，唔係影左好多靚相。
潼潼媽好失敗，下面呢張相對錯焦左。
其實今次黎花卉展最主要目的，係因為知道入面有得玩充氣彈彈床，所以諗住帶潼潼過黎玩。本來潼潼都玩得好開心，不過後黎潼潼俾其它小朋友撞到喊，所以提早離場。
除左跳彈彈床，仲有攤位遊戲，主辦單住都算幾細心。
2009年3月19日 星期四
，竟然係另一隻歌仔跳線，哈哈!! 潼潼媽得逞喇!!
2009年3月15日 星期日
新一期超級寶寶學堂
隔左兩個星期，潼潼今日開始另一期既超級寶寶學堂。
呢期開始，課堂既形式有變。之前番既六堂課程，主要由家長帶住小朋友一齊活動，唱下歌仔，做下動作。鍾SIR話兩歲既小朋友要開始訓練小朋友獨立﹑聽指令同埋學習良好EQ。所以呢堂開始，家長係課堂上只係一個附助既角色，好大部份既時間潼潼都係同其它小朋友一齊坐係課室中間聽鍾SIR既指導。
潼潼要學習聽指令。鍾SIR以哨子聲發號令，而潼潼就要依指示做簡單既坐立動作。而派茶點既部份，由以前鍾SIR走到各小朋友面前要求佢地舉手示意，改為由鍾SIR叫小朋友既名字，而小朋友要自己應聲企起身出去。另外仲有搶球遊戲，追逐遊戲﹑打筋斗等等。今堂亦有學習「多」與「少」，可惜潼潼呢方面完全唔合格。
2009年3月14日 星期六
) 
估唔到真係一d都唔「拿」喎！個傷口仲好快乾添，仲可以散埋腫，果然唔錯呀！
2009年3月13日 星期五
親力
早前在商務全線八五折時買了兩本書，《親力》是其中一本。
http://www.books.com.tw/exep/prod/booksfile.php?item=0010416099
買既時候未有太詳細睇過書入面既內容，主要係被封面標榜的「親子教養書籍排行榜」字句所吸引而買下。雖然選書的準則不太理智，但幸好我無買錯書，呢本的確係一本好書。
呢本書入面無冗長既教育理念，無教你點樣教小朋友識多國語言，點樣可以十多歲入讀哈佛，入面只係「提」到一D生活上既小貼士。睇的沒有壓力，令人睇得輕鬆。
呢本書主要分開三部份，分別係有關「樂讀」﹑「拓展學力」同「親子關係」
潼潼媽最初依順序看，但後黎覺得最初兩部份暫時並不急切，因此跳過了先看「親子關係」，入面寫到的可以算是一些「提醒」，要做的不太艱難，寫的亦唔會好長氣，唔想花錢買的話，行過書局打書釘都唔錯。
為「媽咪」同哭三聲
以下係星期二頭條日報入面既一篇文章，同事好「有心」咁留俾我睇。
作者：潘麗瓊
三八婦女節，女人忽然像一味時興菜式，被各大傳媒﹑炒﹑煮﹑炸，任看官品評。
身為WORKING MOM，我有無盡的苦水。老公曾打趣說：「我多麼懷念從前，你只顧吃和睡的傻瓜樣！」我只能歎一聲：「那是一去不返的流口水歲月了！」
供樓﹑養車﹑學費﹑雜費．．．花錢如流水，一份全職（出版社）加兩個專欄，再加晚上的電台節目，令我像一頭三頭六臂的牛！哪管我多麼想看張愛玲，現實卻是晚晚陪公主書，背乘數表﹑默唐詩﹑串英文生字。不知那個衰老師想出的「親子project」，專拖媽咪落水，連周日都要做勞作。
家裏天天內戰，我會像瘋婦一般尖叫，從廚房追入睡房緝捕逃犯。為了鎮壓騷亂，我不惜扮獄警：「做完功課才准離開座位！」稍稍露出關愛的眼神，即前功盡廢。但夜了又要及時抽身扮「老友記」：「學校有沒有欺負你？有心事可告訴媽咪啊，啜啜啜．．．」熱情擁吻孩子入睡。
媽咪是沒有人權的，女兒想吃你口中的蛋糕，你得即時割愛，想和你一起淋浴﹑睡覺，你不好意思推卻。「媽咪，我條底褲仔穿了窿！」縱然前一夜你捱通宵，但小老闆吩咐，你得趕快縫。
想和老公溜出去看場電影，也得先獲小老闆批准。若小老闆皇恩浩蕩，賜你兩老自由，且別高興，因為小女兒喜做電燈膽，由《澳大利亞》到《一百萬零一夜》，她夾在你倆中間。回程呼呼大睡，還要爹哋抱回家，想偷偷拖手也難。不過，即使沒錢﹑沒自由﹑沒人權，只要女兒給我一個吻，我已心甘命抵，永不言悔。
寫得好有趣。同事話似我，我倒沒有作者的能幹，不過應該有好多媽咪會從中得到共鳴。
2009年3月7日 星期六
潼潼最怕
想記錄一下潼潼既「最怕」，因為有D覺得都幾無厘頭，所以想寫一下。
潼潼怕自己會郁既物件，BB果陣好怕上鏈玩具，而家好似好左，不過都有D抗拒。除左上鏈玩具以外，有次姐姐用搖控器閂埋個CD盤，潼潼見個CD盤自己會郁都嚇到喊。
潼潼又好怕好大既聲音，行雷好大聲佢就唔驚，不過聽到風筒﹑吸塵機﹑攪拌機同埋裝修時既電鑽聲佢都好驚，一樣會嚇到跳起係度喊。
除左大聲之外，潼潼好怕奇怪既聲音，好似因為CD跳線不斷重複播放，潼潼會被嚇得大叫大喊，試過見到佢成個人跳起添。
潼潼唔鐘意毛毛質地既物件，細個既時候唔鐘意玩毛毛公仔，而家大個左就好D。除左毛毛公仔之外，連毛毛衫潼潼都好驚唔鐘意，要即刻除左件衫唔肯著。
潼潼好怕蚊，有疑似蚊既飛行物體係佢附近飛佢就會驚叫。呢個可能係因為佢以前試過俾蚊針得好厲害，所以每次我地見到蚊都好嚴陣以待。或者可能因為我地過份緊張既反應，令到潼潼都好怕蚊。
訂閱：
文章 (Atom)