我愛將軍澳

潼潼媽由出世到長大，一直都住係北角。直到幾年前想買樓但係又無乜錢，所以先睇中左將軍澳ｄ二手居屋夠平而搬左入黎將軍澳住。

初初搬入黎都有ｄ唔慣，覺得呢度太辟靜。不過而家就越黎越喜歡，因為空氣同居住環境都唔錯。尤其是係春天到黎既時候，會見到屋企樓下同附近路邊都開滿杜鵑花，真係好靚架！仲有我好鐘意睇到樹木剛發嫩芽既青綠，真係睇見人都醒神ｄ。呢一區越黎越旺，希望呢一番景象一直能夠保留。

另一樣令我喜愛將軍澳既，竟然係黑夜。潼潼媽係唔鐘意晚間活動架，不過就開始喜歡將軍澳既黑夜。事關我發覺而家係巿區真係見唔到「黑夜」，周圍都係大光燈，就算夜晚都映到個天非常光亮，我覺得係太過違反自然，令人唔舒服。

喜歡將軍澳既黑夜會睇到星星。不過我諗遲ｄ都好難話得埋．．．